Oblystyq polısııa departamentiniń baspasóz qyzmetinen málim etkendeı, oqys oqıǵa 18 jeltoqsanda bolǵan. Jedel basqarý ortalyǵynyń qyzmetkerleri, polısııa aǵa serjanty Saltanat Orynbaeva men polısııa maıory Aıgúl Adrakova beınebaqylaý kamerasy arqyly Jaıyq ózeniniń ústindegi kópirden sekirýge oqtalǵan adamdy baıqap qalǵan, dep habarlaıdy Egemen.kz.
«Ortalyq qyzmetkerleriniń habarynan soń oqıǵa ornyna ýchaskelik polısııa ınspektorlary Erbolat Sapashev pen Baǵytjan Sabyrǵalıev, patrýldik polısııa qyzmetkerleri Sultan Saparǵalıev pen Nurjan Ahmetjan jedel jetti. Olar kópirden sekirýge áreket jasaǵan 45 jastaǵy er adamdy áńgimege tartyp, raıynan qaıtardy. Polıseılerdiń kásibı ári batyl áreketiniń nátıjesinde er adam qaýipsiz jerge shyǵarylyp, polısııa bólimine jetkizildi», dep habarlady departamenttiń baspasóz qyzmeti.
Qazir jedel-tergeý toby er adamnyń bul áreketke barý sebebin jan-jaqty tekserip jatyr. Tergeý amaly bastaldy.