Búgin elordanyń 6 aýdanynda saǵat 18:00-de 40-tan astam shyrshanyń shamy jaǵylady. Qaýipsizdikti qamtamasyz etip, kelýshiler úshin qolaıly jaǵdaı jasaý maqsatynda is-sharalar ótetin ýaqytta «Astana Arena» stadıonynyń mańynda kólik qozǵalysyna ýaqytsha shekteý engiziledi, dep jazady Egemen.kz.
Qala ákimdiginiń málimetinshe, «Alaý» muz saraıy jaǵyndaǵy kóshe men «Astana Arena» stadıonynyń shyǵysyndaǵy kóshede kólik qozǵalysy shekteledi.
Qozǵalys shekteýleri shyrsha shamyn jaǵý merekesine deıin birneshe saǵat buryn kúshine enedi. Shekteý barlyq merekelik is-shara aıaqtalǵan soń alynady.
Júrgizýshiler aldyn ala júrý baǵytyn josparlap, jol qozǵalysyn uıymdastyrýdaǵy ózgeristerdi eskerýi qajet.
Elorda aýdandaryndaǵy jańajyldyq shyrsha shamy jaǵylatyn mekenjaılardy myna siltemeden kóre alasyz.