AQTAÝ. 23 aqpan. Mańǵystaýda dúnıege kelgen úshemge Muqaǵalı, Tólegen jáne Shámshi degen esimder berildi. Bul týraly egemen.kz tilshisi habarlady.
Mańǵystaý oblystyq perınataldyq ortalyǵynda ómirge kelgen úshemniń jalpy salmaǵy 5 kg. quraǵan. Bir jarym aı dárigerlerdiń baqylaýynda bolǵan uldar men anasynyń qazirgi jaǵdaıy jaqsy, sondyqtan bosaný úıinen shyǵarylyp, óz úılerine – Beıneý aýdanyna jol tartty. Buǵan deıin 13 jastaǵy ul ósip jatqan shańyraqqa qosylǵan úsh ulǵa týystary qazaqtyń belgili tulǵalary Muqaǵalı jáne Tólegen aqyndardyń, sondaı-aq Shámshi sazgerdiń esimderin enshiletti.
– Sábıler keseri tiligi arqyly alyndy. Qazir sábılerdiń de, 40 jastaǵy anasynyń da jaǵdaıy jaqsy, – deıdi Mańǵystaý oblystyq perınataldyq ortalyǵynyń dırektory Jamal Jamanbaeva.
Gúlaıym Shyntemirqyzy.
Derek, sýret: egemen.kz.