Dýbaıda jazda kún qatty ysyp ketetindikten, adamdar kóbine saýda ortalyqtarynda ǵana serýendeı alady. Biraq arabtar turǵyndar men týrısteriniń jazdaǵy jaǵdaıyn oılap, 93 shaqyrym saıabaq týnnel salmaq.
Saıabaqqa arnaıy salqyndatqyshtar ornatylady. Osylaısha, týnnel ishinde qolaıly temperatýra bolady. Sondaı-aq jasyl-jelek otyrǵyzylady, sport alańdary salynady, skeıtbord aımaqtary, tamaq-sý satylatyn oryndar men demalýǵa arnalǵan oryndyqtar da josparlanǵan. Jobany «URB» sáýlet stýdııasy ázirlegen. Endi bul jer Dýbaıdyń negizgi demalys aımaǵyna aınalady. Qala bıliginiń jospary boıynsha, bolashaqta turǵyndardyń 80 paıyzy osy jabyq jol arqyly júredi.