2015 jylǵy 27 naýryz, Astana qalasy
Jumys berýshiniń jumysqa ornalastyratyn eldiń bankterine kepildik berilgen jarna engizý qaǵıdalaryn jáne onyń mólsherin bekitý týraly
«Halyqty jumyspen qamtý týraly» 2001 jylǵy 23 qańtardaǵy Qazaqstan Respýblıkasynyń Zańy 10-babynyń 4-tarmaǵyna sáıkes buıyramyn:
1. Qosa berilip otyrǵan Jumys berýshiniń jumysqa ornalastyratyn eldiń bankterine kepildik berilgen jarna engizý qaǵıdalary jáne onyń mólsheri bekitilsin.
2. Qazaqstan Respýblıkasy Densaýlyq saqtaý jáne áleýmettik damý mınıstrliginiń Eńbek, áleýmettik qorǵaý jáne kóshi-qon komıteti zańnamada belgilengen tártippen:
1) osy buıryqty Qazaqstan Respýblıkasy Ádilet mınıstrliginde memlekettik tirkeýdi;
2) osy buıryqty Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi;
3) osy buıryqty Qazaqstan Respýblıkasy Densaýlyq saqtaý jáne áleýmettik damý mınıstrliginiń ınternet-resýrsynda ornalastyrýdy qamtamasyz etsin.
3. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Mınıstr T.DÚISENOVA.
KELISILDI
Qazaqstan Respýblıkasynyń Ishki ister
mınıstri Q.N. Qasymov
2015 jylǵy 7 sáýir
Qazaqstan Respýblıkasy Densaýlyq saqtaý jáne áleýmettik damý mınıstriniń
2015 jylǵy 27 naýryzdaǵy № 167 buıryǵymen bekitilgen
Jumys berýshiniń jumysqa ornalastyratyn eldiń bankterine kepildik berilgen jarna engizý qaǵıdalary jáne onyń mólsheri
1. Jalpy erejeler
1. Jumys berýshiniń jumysqa ornalastyratyn eldiń bankterine kepildik berilgen jarna engizý qaǵıdalary jáne onyń mólsheri (budan ári – Qaǵıdalar) «Halyqty jumyspen qamtý týraly» Qazaqstan Respýblıkasynyń Zańy 10-babynyń 4-tarmaǵyna sáıkes ázirlendi.
2. Osy Qaǵıdalarda paıdalanylatyn negizgi uǵymdar:
1) kepildik berilgen jarna (budan ári – jarna) – eńbek shartynyń merzimi aıaqtalǵannan keıin sheteldik qyzmetkerdiń óziniń turaqty turatyn eline qaıta oralý kepildigin qamtamasyz etetin aqshalaı jarna;
2) jumyspen qamtý máseleleri jónindegi ýákiletti organ (budan ári – ýákiletti organ) – jergilikti atqarýshy organdardyń óńirlik deńgeıde halyqtyń jumyspen qamtylýyna járdemdesýin jáne jumyssyzdyqtan áleýmettik qorǵaýdy qamtamasyz etetin qurylymdyq bólimshesi;
3) sheteldik jumys kúshin tartýǵa arnalǵan ruqsat – tıisti ákimshilik-aýmaqtyq birliktiń aýmaǵyna tartý úshin ortalyq atqarýshy organ bólgen kvota sheginde sheteldik jumys kúshiniń sanyn aıqyndaıtyn, oblystardyń, Astana jáne Almaty qalalarynyń jergilikti atqarýshy organy Qazaqstan Respýblıkasy Úkimetiniń 2012 jylǵy 13 qańtardaǵy № 45 qaýlysymen bekitilgen Sheteldik qyzmetkerge jumysqa ornalasýǵa jáne jumys berýshilerge sheteldik jumys kúshin tartýǵa ruqsat berýdiń qaǵıdalary men sharttaryna 2 jáne 3-qosymshalarǵa sáıkes nysandar boıynsha beretin qujat.
2. Kepildik berilgen jarnany engizý tártibi jáne onyń mólsheri
3. Qazaqstan Respýblıkasyna sheteldik jumys kúshin tartýǵa ruqsat alý úshin jumys berýshiler árbir sheteldik qyzmetker úshin Qazaqstan Respýblıkasynyń bankterine jarna engizedi.
4. Jarnalar jumys berýshiniń Qazaqstan Respýblıkasynyń aýmaǵyndaǵy bankterdiń birindegi banktik shotyna engiziledi.
5. Bank pen jumys berýshi arasyndaǵy shartta mynalar:
1) sheteldik qyzmetkerdiń ózi aýmaǵynda turaqty turatyn memleketti kórsete otyryp, tegi, aty, jeke basyn kýálandyratyn qujattyń nómiri;
2) ár qyzmetkerge arnalǵan jarna somasy;
3) banktiń jumys berýshige jarnalardy qaıtarý tártibi kórsetiledi.
6. Bir sheteldik qyzmetkerge arnalǵan jarna ol aýmaǵynda turaqty turatyn memlekettiń jaqyn mańdaǵy áýejaıyna deıingi avıabılettiń «Ekonomıkalyq» synyp boıynsha qunynan kem emes mólsherde belgilenedi.
7. Táýelsiz Memleketter Dostastyǵy elderinen kelgen bir sheteldik qyzmetkerge arnalǵan jarna ol aýmaǵynda turaqty turatyn memlekettiń jaqyn mańdaǵy stansııasyna deıingi temir jol (kýpeli vagon) nemese avtomobıl kóligi bıletiniń qunynan kem emes mólsherde belgilenedi.
8. Ýákiletti organ Qazaqstan Respýblıkasynyń ishki ister organdary sheteldik qyzmetkerdiń Qazaqstan Respýblıkasynyń sheginen tys shyqqanyna rastamasy bolǵan kezde jumys berýshige ol engizgen kepildik jarnany qaıtarýǵa jazbasha kelisim beredi.
9. Ýákiletti organ jumys berýshi júgingen kúninen bastap úsh jumys kúni ishinde Qazaqstan Respýblıkasynyń ishki ister organdaryna sheteldik qyzmetkerdiń Qazaqstan Respýblıkasynyń sheginen tys shyqqany týraly derekterdi alý úshin suraý salýdy teleksti, faksty jáne elektrondyq habarlamany qosa alǵanda aqparat berýdiń kez kelgen jedel tásili arqyly joldaıdy.
Suraý salýdy jiberý kezinde: sheteldik azamattyń tegi, aty, ákesiniń aty (bolǵan jaǵdaıda), týǵan kúni, azamattyǵy, pasportynyń nómiri, sheteldik azamattyń jeke sáıkestendirý nómiri (bolǵan jaǵdaıda), sheteldik jumys kúshin tartýǵa arnalǵan ruqsattyń nómiri kórsetiledi.
10. Qazaqstan Respýblıkasynyń ishki ister organdary suraý salynyp jatqan adam týraly aqparatty «Búrkit» biryńǵaı aqparattyq júıesi arqyly alyp, bes jumys kúni ishinde ýákiletti organǵa suraý salýdy qaraý nátıjesi týraly jaýapty teleksti, faksty jáne elektrondyq habarlamany qosa alǵanda aqparatty kez kelgen jedel tásili arqyly jiberedi.
11. Jumys kúshin Qazaqstan Respýblıkasynan shetelge shyǵarý kezinde sheteldik jumys berýshiniń jumysqa ornalastyratyn eldiń bankterine kepildik berilgen jarna engizý tártibi men sharttary jumysqa ornalastyratyn eldiń zańnamasynda retteledi.
Buıryq Qazaqstan Respýblıkasynyń Ádilet mınıstrliginde 2015 jylǵy 6 mamyrda Normatıvtik quqyqtyq kesimderdi memlekettik tirkeýdiń tizilimine №10959 bolyp engizildi.