Harbın – Qytaıdyń qysqy astanasy. Bul qala jyl saıyn aýqymdy muz músinderi festıvalimen tanymal. Alaıda bıyl qala ákimdigi alyp aqqala qalap tańǵaldyrdy.
Qalada alyp qar adamy turǵyzyldy. Onyń bıiktigi shamamen 19 metr, ıaǵnı alty qabat úımen shamalas. Aqqalany qalaýǵa 100 jumysshy men 64 músinshi tartylyp, olar 11 kún boıy tynymsyz eńbek etken. Uıymdastyrýshylar qurylys barysyn tikeleı efır arqyly kórsetip, qala turǵyndary men álemniń túkpir-túkpirindegi kórermenderge jumysty onlaın baqylaýǵa múmkindik berdi. Alyp qar adamyn jasaý úshin 3,5 myń tekshe metr qar ketken. Qar arnaıy tehnıkanyń kómegimen daıyndalǵan.