Endi «Erekshe bilim berýdi qajet etetin balalardy úıde oqytýǵa jumsalǵan shyǵyndardy óteý» qyzmetin «eGov Mobile» mobıldi qosymshasy arqyly rásimdeýge bolady.
О́temaqy jeke oqý josparyna jáne balanyń úıde oqytylatynyn rastaıtyn bilim uıymynyń anyqtamasy negizinde tólenedi. Tólem oqý barysyn qamtamasyz etýge baılanysty shyǵyndardyń bir bóligin óteýge baǵyttalǵan. Tólem merzimniń aıaqtalýyna nemese balaǵa bilim berý túriniń ózgerýine baılanysty toqtatylady.
Qyzmetti paıdalaný úshin:
eGov Mobile qosymshasyna kirip, «eGov memlekettik qyzmetteri» – «Jeńildikter, járdemaqy jáne zeınetaqy» bólimin ashý; «Múgedektigi bar balalardy úıde oqytýǵa jumsalǵan shyǵyndardy óteý» qyzmetin tańdap, qajetti derekterdi toltyrý; qyzmetti qoljetimdi qol qoıý ádisteriniń birimen rastaý qajet; qujattardy rásimdeý mártebesin «Qyzmetter tarıhy» bóliminen tekserý qajet.Qyzmet kórsetý merzimi – memlekettik organ tolyq qujattar paketin tirkegen kúnnen bastap 8 jumys kúni. Tólem bilim uıymy bergen anyqtamada kórsetilgen kezeńge ǵana taǵaıyndalady, jańa merzimge avtomatty túrde uzartylmaıdy. Balaǵa belgilengen múgedektik merzimi aıaqtalǵan soń kýálandyrýdy qaıta ótkizip, ótinishti qaıta rásimdeý qajet.