ASTANA. 23 naýryz. BUU-nyń Nıý-Iorktegi shtab-páterinde órt shyqty. Tilsiz jaý Bas Assambleıa ǵımaratynyń astyńǵy qabatynda bolǵan. Bul týraly TASS habarlady.
BUU kesheni Nıý-Iorktiń Manhetten aýdanynda ornalasqany belgili. О́rt dabyly jergilikti ýaqyt boıynsha saǵat 19:00 shamasynda (Astana ýaqytymen búgin tańǵy 05:00-de) qosylǵan. Sol sátte Birinshi avenıýdiń boıyn órt sóndirýshi jáne jedel járdem kólikteri basyp aldy. Desek te, kóshe birjola jabylǵan joq.
Bir saǵattyń ishinde jaǵdaı qalypqa kelip, aıaq astynan bolǵan apat aýyzdyqtaldy. Ol úshin BUU-nyń órtke qarsy qyzmeti men Nıý-Iork qalasynyń órt basqarmasyna aıtarlyqtaı ter tógýge týra keldi.
BUU baspasóz qyzmetiniń ókili Vannına Maestrachchıdiń aıtýynsha, órttiń shyǵýyna elektr symdarynyń qysqa tuıyqtalýy sebep bolǵan. Sondaı-aq, ol órt sóndirý kezinde ishtegi adamdardyń tysqa shyǵarylǵanyn aıtty.
Aıta keteıik, BUU-da jeksenbi resmı túrde demalys kúni bolyp sanalady. Desek te, órt bolǵan kúni birneshe saǵat buryn Qaýipsizdik Keńesiniń Iemendegi jaǵdaıǵa baılanysty shuǵyl otyrysy bolǵan edi.
О́rt saldarynan ǵımaratqa belgili bir deńgeıde zaqym kelip, Uıym shyǵynǵa ushyraǵan. О́ıtkeni, órt shyqqan orynda kádesyılar satatyn dúken ornalasqan bolatyn. Degenmen, búgin ǵımarat ádettegideı jumys kúnin bastady.
Elaman Qońyr.
Derek: TASS
Sýret: ntv.ru.