Aqtóbe oblysynda Jumysshy mamandyqtary jyly aıasynda azamattarǵa kásibı baǵdar berý, kásiptik oqý oryndary men jumys berýshiler arasynda baılanys ornatýǵa basymdyq berildi.
Atqarylǵan mańyzdy jobalardyń biri – oqýyn aıaqtaǵanyna 5 jyl tolmaǵan, 35 jasqa deıingi jumyssyz túlekterge arnalǵan «Jastar tájirıbesi» baǵdarlamasy. Baǵdarlama aıasynda 2 146 jasqa beıimdiligi men mamandyǵyna saı jumys oryndary usynylyp, olar 12 aı boıy sol mekemede tájirıbeden ótti. Keıin turaqty jumysqa ornalasty. Osy kezeńde olardyń jalaqysynyń 30%-yn memleket sýbsıdııalady. Jas mamandarǵa alǵashqy eńbek daǵdysyn meńgerýge, kásibı turǵyda qalyptasýǵa jol ashatyn bul baǵdarlama kelesi jyly da jalǵasady.
50 jastan asqan, biraq zeınet jasyna jetpegen jumyssyz azamattarǵa arnalǵan «Kúmis jas» jobasy – sátti iske asqan bastamalardyń biri. Bıyl osy baǵdarlama arqyly 1 225 aqtóbelik jumysqa ornalasty. Aıta keterligi, qatysýǵa nıet bildirgenderdiń basym bóligi – áıelder. Olarǵa jumyspen qamtýdy úılestirý jáne áleýmettik baǵdarlamalar basqarmasy arqyly jumys oryndary usynyldy. Baǵdarlamaǵa qatysýshylardyń jalaqysynyń bir bóligin jumys berýshi, al 30 AEK-ten aspaıtyn bóligin memleket sýbsıdııalady. Nátıjesinde, 1 125 adam jumyspen qamtyldy. Jumys berýshiler tarapynan ásirese qyzmet kórsetý salasyna jáne oqý ortalyqtary ashanalaryna usynystar kóp tústi.
Bıyl 567 aqtóbelik áleýmettik osal toptaǵy azamat 400 AEK kóleminde qaıtarymsyz grant aldy. Úmitkerler aldymen «Bastaý bıznes» jobasy aıasynda kásipkerlik negizderine oqytylyp, keıin grantqa ótinim tapsyrdy. Jobaǵa jumyssyzdar men kásibin jańadan bastaǵan, aınalym qarajaty joq kásipkerler qatysty. Grant qarjysy bıznes jobadaǵy talaptarǵa saı qural-jabdyq, mal men qus satyp alýǵa nemese ǵımarat jaldaýǵa jumsaldy.
О́ńirdegi kásiptik-tehnıkalyq oqý oryndarynyń stýdentteri WorldSkills jobalaryna belsene qatysyp, «WorldSkills Qazaqstan – 2025» chempıonatynan 4 altyn, 2 kúmis, 2 qola medalmen oraldy. Eń joǵary marapatty tórt quzyrettilik boıynsha aqtóbelik kolledj stýdentteri jeńip aldy. Hromtaý taý-ken tehnıkalyq kolledjiniń stýdentteri Myrzabek Sándibekuly men Danııl Drıjak – óndiristik avtomatıka men ushqyshsyz ushý jabdyqtary, Sh.Bersıev atyndaǵy agrarlyq-tehnıkalyq kolledj stýdenti Janat Álı – meıramhana isi, Aqtóbe kólik, baılanys jáne jańa tehnologııalar kolledjiniń stýdentteri Aqnıet Abylaı men Danııar Erbolatov – zamanaýı tehnologııalardy meńgerý atalymdary boıynsha birinshi oryn aldy.
Aqtóbe oblysy