AQSh prezıdenti Donald Tramp ımporttyq taýarlarǵa qatysty proteksıonıstik saıasatyn jumsartyp, jıhaz ben ıtalııalyq makaron ónimderine salynatyn baj salyǵyn ózgertti. Bul sheshim amerıkalyq tutynýshylar arasynda baǵanyń ósýine qatysty narazylyqtar men saýda seriktesterimen júrgizilgen kelissózderden keıin qabyldandy, dep habarlaıdy Egemen.kz.
Aq úı taratqan málimdemege sáıkes, jıhazdyń keıbir túrlerine (jumsaq jıhaz, as úı shkaftary) salynatyn joǵary tarıfterdiń engizilýi 2027 jyldyń 1 qańtaryna deıin shegerildi.
Eýroodaq AQSh ónimderine 30% baj salyǵyn engizedi
Qazirgi ýaqytta bul taýarlarǵa 25%-dyq tarıf saqtalyp tur. Buǵan deıin Vashıngton jıhazǵa salynatyn salyqty 30%-dan 50%-ǵa deıin kóterýdi kózdegen bolatyn. Donald Tramp bul sheshimin saýda seriktesterimen (onyń ishinde Qytaı men Vetnam) júrgizilip jatqan nátıjeli kelissózdermen túsindirdi. Bul qadam AQSh-taǵy bólshek saýda baǵalarynyń kúrt ósýin tejeýge baǵyttalǵan.
AQSh-tyń Saýda mınıstrligi ıtalııalyq makaron óndirýshilerine («La Molisana», «Garofalo» jáne t.b.) qatysty dempıngke qarsy aıyptardy qaıta qarap, salyq mólsherlemesin aıtarlyqtaı tómendetti.
Italııa AQSh-qa eksporttalatyn barlyq makaron ónimderiniń 19%-yn qamtamasyz etedi. Salyqtyń tómendeýi tanymal brendterdiń amerıkalyq dúken sórelerinen joǵalyp ketpeýine kepil bolady.