2026 jyly qandaı taqyryptarda kıno túsirýge bolady?

Eske salaıyq, Ulttyq kınony qoldaý memlekettik ortalyǵy ulttyq fılm mártebesine úmitker kınojobalardy irikteý maqsatynda jyl saıyn konkýrs ótkizedi. Osyǵan oraı Ortalyq 2026 jylǵa arnalǵan kınojobalardy irikteý barysynda basshylyqqa alynatyn basym taqyryptar tizimin jarııalap otyr. 

Konkýrsqa usynylatyn kınojobalar bekitilgen basym taqyryptarǵa sáıkes bolýy tıis.

Bıyl ásirese, otan, týǵan jerge degen súıispenshilik, otbasy (ákeler men balalar: urpaqtar sabaqtastyǵy), tarıh, onyń mańyzy men qundylyǵy, búgingi kúnniń batyrlary: eńbekqor adam beınesi, qazirgi qoǵamdaǵy áıelderdiń róli: mádenıetke, ǵylymǵa, otbasyǵa, ekonomıka men áleýmettik bastamalarǵa qosqan úlesi kórinis tabýy tıis. 

О́zge taqyryptardyń tizimi mynadaı: 

• Qazaq ertegileri men epostary;

• Balalarǵa arnalǵan fılmder;

• Tarıhı tulǵalar (kórnekti qaıratkerler týraly fılmder);

• Qorshaǵan orta, tabıǵatty qorǵaý. Jasyl energetıka;

• Qazirgi zamanǵy Otan qorǵaýshy beınesi: erlik pen jaýapkershilik;

• Zańdy saqtaý, quqyqtyq tártip pen ádiletti qoǵam qurýdy nyǵaıtý. «Zań jáne Tártip» qaǵıdasy;

• Salaýatty ómir salty jáne sport taqyrybyndaǵy fılmder;

• Birlik pen beıbitshilik (ultaralyq kelisim): mádenıetter men halyqtar arasyndaǵy qurmet pen yntymaqtastyq;

• Qazirgi jastar máseleleri: jańa býynnyń qundylyqtary men ómir erekshelikteri;

• Aýylym – altyn besigim;

• Ǵarysh jáne ǵalam;

• Sıfrlyq qoǵam (jasandy ıntellekttiń, zamanaýı tehnologııalar men IT-mamandardyń róli, tehnologııalar jáne kópdeńgeıli shynaıylyq álemi);

• Ulttyq qundylyqtar: týǵan jerge degen súıispenshilik, tabıǵatqa qurmet, adaldyq, ádildik – mádenı dástúrdiń bir bóligi retinde;

• Zamanaýı batyrlar: jas kórermenge úlgi bolarlyq tulǵalar;

• Dostyq pen ózara kómektiń qundylyǵy;

• Izdenimpaz jáne bilimdi urpaq;

• Fentezı álemi;

• Balalarǵa arnalǵan ǵylymı-tanymdyq oqıǵalar;

• Bizdiń Otan: etnografııalyq erekshelikter, tabıǵat, ólke tarıhy;

• Qoǵamnyń ózekti áleýmettik máseleleri;

• Tanymdyq taqyryptar: bilim, ınnovasııalar, ǵylym men óner jetistikteri;

• Týrızm;

• Taza Qazaqstan;

• Kitap. Bilimdi ult;

• Qazaqtyń jeti qazynasynyń biri – qumaı tazy;

• Shet eldermen birlesken jobalar.