5 qańtarda sanıtarlyq avıasııa jelisi boıynsha Jezqazǵan – Qarajal – Jezqazǵan baǵyty boıynsha Mı-8 AMT tikushaǵymen (MI-882 borty) sanıtarlyq áýe reısi oryndaldy, dep habarlaıdy Egemen.kz.
TJM baspasóz qyzmetiniń habarlaýynsha, ushý bir jasar sábıdi shuǵyl tasymaldaý maqsatynda júzege asyryldy.
«Naýqastyń jaǵdaıy jedel arnaıy medısınalyq kómekti qajet etti, sondyqtan sanıtarlyq avıasııany qoldaný týraly sheshim qabyldandy. Ekıpaj ben sanıtarlyq avıasııa medısına qyzmetkerleriniń joǵary kásibıliginiń arqasynda ushý sátti ótti. Naýqas dárigerlerge tapsyrylyp, mamandardyń baqylaýyna alyndy», delingen tótenshelikter habarlamasynda.