Áleýmettik jelilerde Aqtaýda júrgizýshiler 362 nómirli memlekettik tirkeý nómirin jappaı alýǵa tyrysyp jatyr degen aqparat tarady. Alaıda Mańǵystaý oblysynyń polısııa departamenti bul málimetti joqqa shyǵardy, dep habarlaıdy Egemen.kz.
Polısııanyń málimetinshe, 362 nómirine qatysty eshqandaı dúrbeleń joq, memlekettik nómirler belgilengen tártippen qalypty rejımde berilip jatyr. Quzyrly organ ókilderi júrgizýshiler kóbine nómirdi týǵan kúnine, turǵylyqty mıkroaýdanyna nemese jeke qalaýyna baılanysty tańdaıtynyn atap ótti.
Sonymen qatar 2026 jylǵy 1 qańtardan bastap kez kelgen qalaýly áriptik nemese sandyq kombınasııasy bar memlekettik tirkeý nómirin erkin tańdaýǵa múmkindik beretin jańa norma kúshine engen. Mundaı nómirlerdiń quny suranysyna qaraı 10 AEK-ten 15 AEK-ke deıin belgilengen.
Erekshe suranysqa ıe nómirler úshin bólek memlekettik baj qarastyrylǵan.