Elimizde memlekettik aqparattyq júıelerdi biryńǵaı sıfrlyq platformaǵa kezeń-kezeńimen kóshirý bastaldy. Bul týraly Úkimet otyrysynda Premer-mınıstrdiń orynbasary – jasandy ıntellekt jáne sıfrlyq damý mınıstri Jaslan Mádıev málimdedi, dep jazady Egemen.kz.
Onyń aıtýynsha, bul qyzmetterdiń iske qosylýyn jedeldetýge jáne olardyń qaýipsizdigin qamtamasyz etýge múmkindik beredi.
«Memleket basshysynyń Jarlyǵymen osy jyldan bastap QazTech platformasynan tys aqparattyq júıelerdi ázirleýge tyıym salynady. Bul aqparattyq júıelerdiń qaýipsiz rejımde iske qosylýyn jedeldetýge jáne olardyń ıntegrasııalanýyn jeńildetýge múmkindik beredi. Biz ortalyq memlekettik organdar men ákimdikterge aqparattyq júıelerdiń QazTech platformasyna kóshýge daıyndyǵyna tehnıkalyq aýdıt júrgizýdi tapsyrdyq. Bıyl bul máselege kóbirek kóńil bólinedi», dedi Jaslan Madıev.