ASTANA. 24 naýryz. Ýkraına prezıdent Petr Poroshenko ýkraın gýbernatorlaryn ózderiniń «qaltaǵa salyp alǵan» batalondarynan aıyratynyn aıtty. Bul týraly «RBK-Ýkraına» habarlady.
Eldiń basshysy mundaı málimdemeni Ýkraına qarýly kúshteri brıgadalary men batalondary komandırlerimen keńes barysynda jasady.
«Terrıtorııalyq qorǵanys júıesi anyq áskerı tik kólbeý boıynsha baǵysynyshtylyqqa qurylǵan, sondyqtan bizdegi birde-bir gýbernatorda qaltasynda júretin qarýly kúshter bolmaıdy», - dep atap ótti ýkraın lıderi.
Poroshenkonyń sózi, shamasy, bárinen buryn sońǵy kezderi ózimen jıi ustasyp qalyp júrgen Dnepropetrovsk oblysynyń gýbernatory Igor Kolomoıskııge baǵyttalǵan sııaqty. Resmı emes málimetter boıynsha, tap osy Kolomoıskıı ýkraınnyń birqatar qarýly qurylymdaryna demeýshilik kómek kórsetip turady-mys. Atap aıtqanda, buqaralyq aqparat quraldary ony «Dnepr» jáne «Azov» batalondaryna baılanysty dep esepteıdi.
Aıta keteıik, Poroshenko men Kolomoıskııdiń arasyndaǵy qarym-qatynas ótken aptada «Ýkrnafta» kompanııasy tóńireginde týǵan janjaldyń aıasynda qatty shıelenisip ketti.
Murat Aıtqoja.
Mánbe, sýret: RBK-Ýkraına.