ASTANA. 24 aqpan. Qazaqstan, Reseı jáne Belarýs memleketteriniń lıderleri Nursultan Nazarbaev, Vladımır Pýtın jáne Aleksandr Lýkashenko jaqyn kúnderde Astanada úshjaqty kezdesý ótkizýdi josparlap otyr. Bul týraly Qazaqstan syrtqy ister mınıstrliginen habarlandy.
Vedomstvonyń habarlaýynsha, Qazaqstannyń Belarýstegi elshisi Erkeǵalı Bólegenov sol eldiń Syrtqy ister mınıstri Vladımır Makeımen kezdesý ótkizgen.
«Áńgime barysynda ekijaqty yntymaqtastyqtyń da, halyqaralyq alańda ózara birlesý qımyldaýdyń da máseleleri talqylandy. Sonyń ishinde TMD jáne EAEK sheńberindegi áriptestik jaıy da sóz boldy. Budan basqa, taraptar jaqyn arada Astanada Qazaqstan, Reseı jáne Belarýs memleketteriniń lıderleri arasynda ótetin úshjaqty kezdesýdiń yqtımal kún tártibi týraly pikir almasty», - delingen kezdesý qorytyndysyna oraı taratylǵan habarlamada.
Murat Aıtqoja.