Aqtóbedegi «О́ner ortalyǵynda» Qazaqstannyń eńbek sińirgen qaıratkeri, kúıshi, sazger, dırıjer Núrken Áshirovtiń shyǵarmashylyq keshi ótti.
Elimizde ǵana emes, halyqaralyq sahnalarda dástúrli mýzykany nasıhattap júrgen óner ıesi sahnaǵa A.Jubanov atyndaǵy qazaq halyq aspaptar orkestri shyqty. Konsert sońynda Núrken Nurǵalıuly atalǵan orkestrdiń kórkemdik jetekshisi bolý usynysyn qabyl alǵany belgili boldy. Munyń ózindik sebebi de bar. Bıyl kórnekti kompozıtor, dırıjer, mýzykatanýshy ǵalym, ustaz Ahmet Jubanovtyń týǵanyna 120 jyl tolady. Osy aıtýly dataǵa oraı Núrken Nurǵalıuly Ǵazıza Jubanova atyndaǵy oblystyq fılarmonııa quramyndaǵy A.Jubanov atyndaǵy qazaq halyq aspaptar orkestriniń repertýaryn jańartýǵa kúsh salyp, ujymnyń kásibı oryndaýshylyq deńgeıin kúsheıtedi degen senim bar.
Konsert sońynda oblystyq mádenıet basqarmasynyń basshysy Altynaı Iýnısova oblys ákimi Ashat Shaharovtyń quttyqtaý hatyn oqyp berdi. О́ńir basshysy ulttyq óner sabaqtastyǵyn saqtaýǵa ólsheýsiz úles qosyp júrgen talant ıesiniń Ahmet Qýanuly týǵan topyraqta dástúrli ónerdi jańasha órkendetý yqylasyna rızashylyǵyn bildirgen. Aqtóbelikter eki saǵattan astam ýaqyt tapjylmastan qazaqtyń kúıleri men dástúrli ánderin tyńdap, dombyra, qobyz, sazsyrnaı únderine qulaq túrdi. Kásibı deńgeıde ótken konsertke Núrken Áshirovpen birge Ramazan Stamǵazıev, Arman Júdebaev qatysyp, kórermenderdiń yqylasyna bólendi.
Aqtóbe oblysy