ASTANA, 24 aqpan. Qazaqstannyń basym bóligi burynǵysha antıslonnyń yqpalynda bolady. Bul týraly Ishki ister mınıstrligi tótenshe jaǵdaılar saıtyna súıengen «Qazaqstan jańalyqtary» habarlady.
«El óńirleriniń basym bóliginde kún ashyq bolady, tek soltústik, ońtústik jáne shyǵys aımaqtarda aýa aǵynynyń áserinen keı jerlerde qar jaýyp, burqasyn bolady, jel kúsheıedi», - delingen habarlamada.
Almaty, Atyraý, Batys Qazaqstan, Aqtóbe, Qaraǵandy, túnde Shyǵys Qazaqstan oblystarynda keı jerlerde tuman túsýi yqtımal. Jambyl oblysynda - tuman, túnde jel turady, túnde uıtqyǵan jeldiń jyldamdyǵy 25 m/s. jetedi.
Ońtústik Qazaqstan, Qyzylorda oblystarynda 15-20 m/s. jyldamdyqpen jel turady. Aqmola oblysynda túnde jáne tańerteń keı jerlerde tuman túsedi, kúndiz jel kúsheıedi, jyldamdyǵy -15-20 m/s.Qostanaı oblysynda keı jerlerde tuman bolady, tańerteń jáne kúndiz jeldiń ekpini 18 m/s. jetedi.
Soltústik Qazaqstan oblysynda tuman túsýi múmkin, kóktaıǵaq, burqasyn bolady, kúndiz jel kúsheıip, jyldamdyǵy15-20 m/s. jetedi.
Pavlodar oblysynda kúndiz burqasyn kútiledi, jeldiń ekpini -15-20 m/s.