11 qańtarda Phýket mańynda Andaman teńizinde ekskýrsııalyq qaıyq kememen soqtyǵysyp, aýdarylǵan. Bortta Qazaqstannyń segiz azamaty bolǵan, dep habarlaıdy Egemen.kz.
Syrtqy ister mınıstrliginiń habarlaýynsha, zardap shekkenderdiń biri búginde úıine jiberilgen. Qalǵan eki azamat stasıonarda emdelýin jalǵastyryp jatyr.
«Eki azamat áli de aýrýhanada, jaǵdaılary turaqty, saýyǵyp keledi. Shyǵyndardy saqtandyrý kompanııasy óteıdi. Konsýl azamattarmen únemi baılanysta jáne qajetti kómekti kórsetip jatyr», delingen habarlamada.
Polısııa men jaǵalaý kúzeti oqıǵanyń sebepterin, sonyń ishinde erejelerdiń buzylýyn, kemeniń tehnıkalyq jaǵdaıyn jáne ekıpajdyń qateligin tergep jatyr.
Taılandta aýdarylǵan katerdiń ishinde 8 Qazaqstan azamaty bolǵan