2026 jyly Qazaqstanda jalpy qýaty shamamen 2,6 GVt bolatyn jańa elektr energııasy kózderi paıdalanýǵa berilmek. Onyń ishinde 173 MVt jańartylatyn energııa kózderi nysandaryna tıesili. Jobalar eldegi energııa tapshylyǵyn joıýǵa jáne generasııa qurylymyn jańǵyrtýǵa baǵyttalǵan, der habarlady Úkimet.
Negizgi jobalardyń qatarynda «Tekeli energııa kesheni» JShS bar. Kásiporyn qýaty 17 MVt bolatyn úsh joıý qazandyǵy men bý týrbınasyn iske qosýdy josparlap otyr. Nysandy paıdalanýǵa berý merzimi – 2026 jyldyń maýsymy.
«Atyraý JEO» JShS 2026 jyldyń jeltoqsanynda №11 týrboagregat pen №15 qazandyqty iske qospaq. Atalǵan jobanyń jalpy qýaty 59,6 MVt bolady.
«Teńizshevroıl» Atyraý jylý elektr ortalyǵyna gaz jetkizýdi toqtata ma?
Sondaı-aq 2026 jyldyń tamyzynda Qyzylorda oblysynda qýaty 240 MVt bolatyn bý-gazdy qondyrǵy paıdalanýǵa beriledi. Al Túrkistan oblysynda 2026 jyldyń jeltoqsanynda qýaty 1000 MVt-tyq bý-gazdy qondyrǵy iske qosylady.
Almaty qalasynda da iri energetıkalyq jobalar josparlanǵan. Atap aıtqanda, JEO-2-de 2026 jyldyń jeltoqsanynda qýaty 557 MVt bolatyn bý-gazdy qondyrǵy, al JEO-3-te dál osy merzimde qýaty 544 MVt-tyq bý-gazdy qondyrǵy paıdalanýǵa beriledi.
Shúlbi sý elektr stansııasy: jumysshy mamandyq – ómirlik kásip
Budan bólek, 2026 jyldyń jeltoqsanynda jalpy qýaty 173 MVt bolatyn jańartylatyn energııa kózderi nysandaryn iske qosý kózdelip otyr.
Josparǵa sáıkes, 2027 jyldyń birinshi toqsanyna qaraı Qazaqstan elektr energııasymen tolyqtaı qamtylyp, energııa tapshylyǵy bar elder qatarynan shyǵady.
Qytaıda teńiz betine salynǵan kún elektr stansııasy paıdalanýǵa berildi