ASTANA. 24 naýryz. AQSh-tyń Massachýsets tehnologııalyq ınstıtýtynyń mamandary adamnyń mıyn kompıýtermen qosýǵa bolatyn quraldy oılap shyǵardy. Bul týraly «QazAqparat» habarlady.
Qurylǵy adamnyń basyndaǵy tańdalǵan aımaqqa qosylatyn arnaıy óte jińishke talshyqtan turady. Talshyqtar kelip túsetin belgilerdi kompıýterge jiberedi. Mamandar sol arqyly mıda ótip jatatyn prosesterdi zertteýge, al bolashaqta Parkınson aýrýymen kúresýge úmittenip otyr. Bul dert – eresek adamdarda kezdesetin sozylmaly aýrý. Ǵalymdardyń aıtýynsha, ol ortalyq júıke júıesiniń nemese mıdyń neırondarynyń búlinip ne ólip qalýynan paıda bolady.
Endi ǵalymdar álgi qurylǵynyń kómegimen sal bolǵan adamdar aıaq-qoldaryn basqara alady dep esepteıdi.
Joldybaı Bazar.
Derek, sýret: «QazAqparat».