Qasıetti mıǵraj túniniń jumaǵa qaraǵan tańynda Qazaqstan musylmandary dinı basqarmasynyń alǵashqy múftıi Rátbek qajy Nysanbaıuly baqılyq boldy, dep jazady Egemen.kz.
Rátbek qajy 1940 jyldyń qarashasynda Túrkistan oblysynyń Saryaǵash aýdanynda dúnıege keldi. QazPI-diń tarıh fakýltetin bitirdi. 1964 jyly Buharadaǵy «Mır-Arab» medresesin jáne Buhara pedagogıkalyq ınstıtýtyn támamdady. 1969-1975 jyldary Lıvııa ýnıversıtetiniń Sharıǵat jəne quqyq fakýltetinde oqyp, joǵary dinı bilim aldy.
Din baǵytyndaǵy JI: Elimizde «Imam AI» mobıldi qosymshasy iske qosylatyn boldy
Rátbek qajy Nysanbaıuly 1979 jyldan bastap Qazaqstannyń qazıi boldy. 1990 jyldyń 12 qańtarynda Qazaqstan musylmandarynyń tuńǵysh quryltaıyn ótkizip, Qazaqstan musylmandary dinı basqarmasyn qurdy. Basqarmanyń tuńǵysh tóraǵasy, Bas múftı boldy. Rátbek qajy 2000 jylǵa deıin Dinı basqarmany basqardy. О́miriniń keıingi jyldarynda Esik qalasyndaǵy ortalyq meshittiń bas ımamy qyzmetin atqardy.
Eske salaıyq, Qazaqstan musylmandary dinı basqarmasy 2026 jylǵa arnalǵan dinı merekeler kestesin jarııalady.