Otandyq Cybernet AI startapy túrki tilder tobynyń erekshelikterin eskere otyryp jasalǵan sózdi avtomatty túrde tanýǵa (ASR) arnalǵan alǵashqy aýqymdy II-modelin kópshilikke usyndy, dep habarlaıdy Egemen.kz.
Din baǵytyndaǵy JI: Elimizde «Imam AI» mobıldi qosymshasy iske qosylatyn boldy
Joba Astana Hub, Jasandy ıntellekt jáne sıfrlyq damý mınıstrliginiń qoldaýymen Microsoft GPU-ınfraqurylymynda iske asyryldy. «Cybernet AI ázirlemesi túrki tildes elder toby úshin jasandy ıntellektini qoldana otyryp, sapany joǵaltpastan jáne qoljetimdi baǵamen óz ana tilderinde sıfrlyq servıster men klıentterge qyzmet kórsetý deńgeıin keńeıtýge jol ashady. Qazaqstan úshin bul – jahandyq JI (jasandy ıntellekt) sheshimderin tutynýshy rólinen halyqaralyq deńgeıde básekege qabiletti jeke tehnologııalardy ázirleýshi róline ótý degendi bildiredi», dedi Astana Hub basqarýshy dırektory Tańat О́skembaev Jańa model qazaq, túrik, ózbek, qyrǵyz, ázerbaıjan jáne tatar tilderindegi sózderdi tanıdy. Onyń basty artyqshylyǵy – kúndelikti ómirde jıi kezdesetin aralas túrki-orys tilindegi sóılemderdi de qatesiz túsinýinde. Bul bıznes pen memlekettik qyzmetterdegi klıenttermen dıalogty sapaly deńgeıge kóteredi. «Biz aǵylshyn tildi modelderdi beıimdeýden sanaly túrde bas tartyp, tiri ári aralas sóıleý formalaryn bastapqydan túsinetin ASR-modelin jasap shyǵardyq. Bul ázirlemeni jaı ǵana kezekti tehnologııalyq ónim emes, jergilikti jasandy ıntellekt ekojúıesin qalyptastyrýǵa jáne Qazaqstannyń tehnologııalyq egemendigine qosylǵan úles etedi», dep atap ótti Cybernet AI kompanııasynyń tehnıkalyq dırektory Rashıd Ismaılov. Bul model myna salalar úshin óte tıimdi: Bankter men qarjy uıymdary; Telekommýnıkasııa operatorlary; Baılanys ortalyqtary men logıstıkalyq kompanııalar; Memlekettik qyzmet kórsetý qurylymdary.JI-di bilmeı, maqtanba!
Model shýǵa, aksentke jáne bir sóılem ishinde til aýystyrýǵa tózimdi. Bul klıentterge qyzmet kórsetý shyǵyndaryn azaıtyp, jasandy ıntellekt arqyly táýlik boıy sapaly daýystyq servıs usynýǵa múmkindik beredi.Sportshylarǵa arnalǵan jasandy ıntellekt baǵdarlamasy ázirlenip jatyr