Astana qalasyndaǵy №9 «Zerde» mamandandyrylǵan lıseıiniń 11-synyp oqýshysy Aıala Mahanbetáli álemniń jetekshi 10 ýnıversıtetinde oqýǵa resmı shaqyrtý aldy, dep jazady Egemen.kz.
Bul shaqyrtýlar talapkerdiń jeke ótinishi negizinde emes, joǵary oqý oryndarynyń óz bastamasymen joldanǵan.
Shaqyrtý joldaǵan ýnıversıtetterdiń qatarynda Ivy League quramyna kiretin Harvard University men Brown University, sondaı-aq University of Cambridge, Stanford University, Massachusetts Institute of Technology (MIT) jáne álemdik bedeldi reıtıngterde kósh bastap turǵan ózge de aldyńǵy qatarly joǵary oqý oryndary bar.
Astanalyq oqýshy shahmattan ótken álem chempıonatynda kúmis medal ıelendi
Ýnıversıtetter Aıalanyń akademııalyq jáne zertteýshilik áleýetin aldyn ala jan-jaqty saralap, sonyń negizinde oqýǵa shaqyrǵan. Mundaı tájirıbe álemdik joǵary bilim berý keńistiginde sırek kezdesedi jáne talapkerge kórsetilgen joǵary senimniń aıqyn dáleli sanalady.
Oqýshyǵa usynylǵan qarjylyq qoldaýdyń jalpy kólemi 2 mıllıon AQSh dollaryn quraıdy. Atalǵan qarajat oqý shyǵyndaryn tolyq nemese ishinara óteýge múmkindik beredi.
11 jastaǵy astanalyq oqýshy 4 tilde 853 kitap oqyǵan
Aıalanyń akademııalyq joly 8-synyptan bastalǵan. Osy ýaqyt aralyǵynda ol halyqaralyq bilim berý baǵdarlamalaryna, akademııalyq jáne ǵylymı-zertteý jobalaryna turaqty túrde qatysqan. Ýnıversıtetterden resmı shaqyrtý alǵanǵa deıin ártúrli elderden kelgen qatysýshylarmen birlesip halyqaralyq jobany iske asyryp, ony praktıkalyq deńgeıde júzege asyrǵan. Jobaǵa ınvestısııa tartylyp, naqty nátıjege qol jetkizilgen.
Jas ónertapqyshtardyń áleýeti: Ideıalar nelikten óndiriske jetpeı qalady?
Qazirgi tańda Aıala Kanadada ornalasqan kompanııada osy joba aıasynda jumys istep, mekteptegi oqýyn kásibı qyzmetpen qatar alyp júr. Sonymen qatar ol 11-shi synyp oqýshysy bola tura, ýnıversıtettik kýrstardan ótip, bolashaqta esepteletin akademııalyq kredıtterdi aldyn ala meńgerip jatyr.