Aqtútek boran, sarshunaq aıaz: Demalys kúnderi elimizde aýa raıy qandaı bolady?

Sibir antısıklonynyń áserinen respýblıkanyń soltústigi men shyǵysynda qatty aıaz saqtalady. Al batys pen ońtústik aımaqtarda ońtústik sıklonnyń belsendiligi artyp, sonyń saldarynan boran soǵyp, kóktaıǵaq pen kúshti jel turady. 17-18 qańtar kúnderi Túrkistan, Jambyl jáne Almaty oblystarynyń keı jerlerinde qalyń qar jaýýy yqtımal. 

Aıaz, boran jáne kóktaıǵaq: Qazaqstannyń 12 óńirinde daýyldy eskertý jarııalandy

Megapolısterdegi jaǵdaı: Astana: 17-18 qańtar kúnderi qalada jaýyn-shashyn bolmaıdy, biraq túnde termometr baǵany -30...-32°S-qa deıin tómendeıdi. Jeksenbi, 19 qańtarda qar jaýyp, ekpini 20 m/s-qa jetetin kúshti jel men boran bastalady. Almaty: Demalystyń alǵashqy kúnderi qala turǵyndaryn qalyń qar, tuman men kóktaıǵaq kútip tur. Aýa temperatýrasy túnde -15...-17°S, kúndiz -11...-15°S shamasynda bolady. Jeksenbide kún ashylyp, kúndiz -5...-7°S-qa deıin kóteriledi. Shymkent: 17 qańtarda jańbyr men qar aralas jaýyn-shashyn jaýyp, kóktaıǵaq bolady. Jeldiń ekpini 15-20 m/s-qa deıin kúsheıedi. Jeksenbige qaraı jaýyn toqtaǵanymen, túnde aıaz -10°S-qa deıin kúsh alýy múmkin.

Qazaqstannyń qaı óńirlerinde oqýshylar sabaqty qashyqtan oqıdy?