Kún saıyn nebári bes mınýt serýendeýdiń ózi adamnyń ómir jasyn uzartady. Mundaı tujyrym «The Lancet» jýrnalynda jarııalanǵan aýqymdy zertteýde aıtyldy.
Ǵalymdar Norvegııa, Shvesııa, AQSh jáne Ulybrıtanııadan jınalǵan 135 myńnan astam eresek adamnyń deregin taldaǵan. Qatysýshylardyń ortasha jasy 63 shamasynda. Olar segiz jyl boıy qımyl-qozǵalysyn dál ólsheıtin qurylǵyny taǵyp júrgen. Qatysýshylardyń 70 paıyzdan astamy kúnine segiz saǵattan kóp ýaqytty keńsede otyryp ótkizgen. Biraq syrtqa shyǵyp, az ýaqyt serýendep kelgender arasynda sozylmaly aýrý da, qozǵalysty shekteıtin kúrdeli másele de bolmaǵan.