Otandyq óndirýshilerdi qoldaý jáne saýda-ónerkásiptik saıasatty iske asyrý sheńberinde «Qazaqstandyq taýar óndirýshilerdiń tizilimi» memlekettik aqparattyq júıesin kezeń-kezeńimen tolyqtyrý jumystary jalǵasýda, dep habarlaıdy Egemen.kz.
Búgingi tańda jańa sıfrlyq júıege 1 924 kásiporyn avtomatty túrde kóshirildi, olar buǵan deıin qazaqstandyq taýar óndirýshi mártebesin rastaǵan. Sonymen qatar, tizilimde 3 831-den astam kompanııa avtorızasııadan ótti.
Jalpy alǵanda 3 779 ótinim berilip, olardyń ishinen 90 kásiporyn óndiristik qyzmetin baǵalaý kezeńinen ótip, Tizilimde tirkeldi.
Kásipkerlikti qoldaýdyń tıimdi tetikteri
Tizilim qazaqstandyq taýar óndirýshi mártebesin rastaýdyń biryńǵaı sıfrlyq júıesin qalyptastyryp, memlekettik qoldaýdyń ataýlylyǵyn arttyrýǵa, rásimderdiń ashyqtyǵyn qamtamasyz etýge jáne mártebeniń formaldy túrde berilýin boldyrmaýǵa baǵyttalǵan.
Tizilimge mashına jasaý salasynyń, qurylys ındýstrııasynyń jáne jeńil ónerkásiptiń kásiporyndary engizilgen, onyń ishinde:
«О́skemen armatýra zaýyty» AQ (qubyr armatýrasy, onyń ishinde sharly krandar men munaı-gaz salasyna arnalǵan jabdyqtar); «Asia Trafo» JShS (transformatorlar); «Qazenergokabel» JShS (kabel ónimderi); «AgromashHoldıng» AQ (aýyl sharýashylyǵy tehnıkasy); «Kaspıı Sement» JShS, «Central Asia Cement» JShS (sement); «Zerde-Keramıka» JShS (qaptama plıtkasy); «Qaraǵandy aıaq kıim fabrıkasy» JShS (aıaq kıim).«Isker aımaq» shaǵyn kásipkerlikti qoldaıdy
Bıznes úshin mańyzdy
Buryn Tizilimge avtomatty túrde engizilgen óndirýshilerge 2026 jylǵy 30 qańtarǵa deıin mynaý saıttaǵy júıede málimetterdi toltyryp, elektrondyq sıfrlyq qoltańba (ESQ) arqyly ótinimdi rastaý qajet.
Tirkeý kezeńinen ótpegen jaǵdaıda kásiporyn Qazaqstandyq taýar óndirýshilerdiń tiziliminen shyǵarylatyn bolady.
Qazaqstandyq taýar óndirýshilerdiń tizilimin odan ári tolyqtyrý jumystary jalǵasýda.
Memlekettik mekeme basshylaryna kásipkerlikpen aınalysýǵa bola ma?