Almatyda qaraqshylar kúndiz áıelge shabýyl jasap, 30 mln teńge kóleminde materıaldyq shyǵyn keltirgen. Qala polısııasy kóp uzamaı kúdiktilerdi qolǵa túsirdi, dep jazady Egemen.kz.
Almatylyq áıeldi belgisiz bireý kúsh qoldanamyn dep qorqytyp, qol-aıaǵyn baılap, zergerlik buıymdar men aqshasyn qoldy qylǵan.
Polısııa atalǵan derek boıynsha qylmystyq is qozǵalǵanyn málimdedi.
«Jedel-izdestirý is-sharalary barysynda krımınaldyq polısııa qyzmetkerleri qysqa merzim ishinde eki kúdiktini anyqtap, ustady. Tergeý áreketteri kezinde urlanǵan múliktiń basym bóligi tárkilendi. Ustalǵandar kinásin moıyndap, ýaqytsha ustaý ızolıatoryna qamaldy», delingen Almaty qalalyq polısııa departamenti taratqan habarlamada.
Germanııada buryn-sońdy bolmaǵan urlyq jasaldy
Sondaı-aq qazir kúdiktilerdiń osyǵan uqsas ózge de qylmystarǵa qatysy bar-joǵy anyqtalyp jatyr.
Buǵan deıin quzyrly organdar Almaty meshitterinde namaz ýaqytynda urlyq jasaǵan er adamdy ustaǵan edi.
Abaı oblysynda da 46 mln teńgeden astam somada urlyq jasaǵan top qolǵa túsken bolatyn.