ASTANA. 24 naýryz. Búgin Fransııada bortynda 148 adam kele jatqan ushaq apatqa ushyrady. Bul týraly shet elder BAQ-tary habarlap jatyr.
«Airbus 320 ushaǵy Fransııanyń ońtústiginde qulady», - delingen kelesi habarlamada.
«Fransııanyń tústik betkenıinde apatqa ushyraǵan Airbus 320 ushaǵynyń bortynda 142 jolaýshy men 6 ekıpaj múshesi bolǵan», - delingen taǵy bir aqparda.
Munyń aldynda Fransııanyń ońtústik jaǵynda Dıýsseldorftan Brıýsselge ushyp bara jatqan jolaýshylar ushaǵynyń jerge qulaǵany týraly habarlama jasalǵan. Belgilisi, apat bolardyń aldynda ekıpaj áýe kemesiniń dabylyn berip úlgergen.
A320 – ortasha qashyqtyqtaǵy avıajelige laıyqtanǵan orta syıymdylyqtaǵy ushaq. Atalmysh markaly laınerdiń qatysýymen bolǵan sońǵy ınsıdent ótken jylǵy jeltoqsanda tirkelgen. Sol joly bort ushyp shyqqanyna 42 mınýt bolǵan kezde Iаvan teńizine qulap túsken. Nátıjesinde bortta bolǵan 162 adam qaza tapty. Jalpy alǵanda, paıdalanýǵa qosylǵaly beri A320 markaly laınerdiń 28-i osyndaı apatqa ushyraǵan eken. «Armıan áýe joldaryna» qarasty sondaı bir ushaq 2006 jylǵy 3 mamyr kúni Adler aeroportyna qonar kezde jerge urdy. Qona almaı, ekinshi aınalym jasap kele jatyp qulaǵan áýe kemesiniń salonynda 113 adam bolǵan. Olardyń barlyǵy da qaza tapty.
Murat Aıtqoja.