Jasandy ıntellekt jáne sıfrlyq damý mınıstrligi men «Transtelekom» AQ (TTS) Qazaqstan avtojoldarynyń boıynda turaqty mobıldi ınternet pen baılanysty qamtamasyz etetin telekommýnıkasııalyq ınfraqurylym salý týraly kelisimge qol qoıdy, dep jazady Egemen.kz.
Joba «Qoljetimdi ınternet» ulttyq jobasy aıasynda júzege asyrylady. Jobany iske asyrý nátıjesinde júrgizýshiler men jolaýshylar jol boıynda ınternetti navıgasııa úshin, shuǵyl qońyraýlar jasaýǵa, sondaı-aq memlekettik jáne bank servısterin paıdalana alady.
Jasandy ıntellekt jáne sıfrlyq damý mınıstrliginiń málimetinshe, joba kezeń-kezeńimen iske asyrylady. Respýblıkalyq mańyzy bar avtomobıl joldaryn mobıldi baılanyspen qamtamasyz etý jumystary 2026 jyldyń sońyna deıin, al oblystyq mańyzy bar joldarda 2027 jyldyń sońyna deıin aıaqtalady. Kelisim aıasynda «Transtelekom» AQ jobany memlekettik qarjylandyrýsyz, óz qarajaty esebinen júzege asyrady.
Eldegi poıyzdarda ınternet júıesi iske qosyldy
«Josparǵa sáıkes, joba eki kezeńde jalpy uzyndyǵy 40 myń shaqyrymnan astam avtomobıl jolyn qamtıdy. Jol boıyndaǵy turaqty baılanystyń bolýy jol qozǵalysy qaýipsizdigin arttyryp, jedel qyzmetterdiń áreket etý jyldamdyǵyn jaqsartady. Sondaı-aq kólik aǵynyn ıntellektýaldy basqarý júıeleri men jol jaǵdaıyn monıtorıngteý tehnologııalaryn engizýge múmkindik beredi. Joba aıasynda 500-den astam antenna-machtalyq qurylystar men mobıldi baılanys bazalyq stansııalary salynady. Bul eldiń negizgi kólik baǵyttarynda baılanystyń qamtý aýmaǵyn keńeıtip, qyzmet sapasyn edáýir jaqsartady», delingen mınıstrlik habarlamasynda.
Poıyzdar men ushaqtarda Starlink deńgeıindegi ınternet paıda bolady
Baılanystyń qoljetimdiligin arttyrý maqsatynda «Transtelekom» AQ salǵan ınfraqurylymdy basqa uıaly baılanys operatorlarynyń paıdalanýyna da múmkindik beriledi.
Starlink jelisine 7 mıllıonnan astam adam qosyldy