Qyzylordadaǵy Ulttyq quryltaıda Memleket basshysy mádenıet pen ónerdi damytý memlekettik saıasattyń strategııalyq baǵyty ekenin atap ótti. Onyń aıtýynsha, qoǵam sanasy jańǵyrmaıynsha, júrgizilip jatqan reformalardyń tolyq nátıjege jetýi qıyn. Sondyqtan rýhanııat salasyna erekshe mán berilip, aldaǵy kezeńde aýqymdy jobalar júzege asyrylady, dep jazady Egemen.kz.
Osy maqsatta Almaty oblysynda qazaq drama teatry, Abaı men Aqtóbe oblystarynda jańa teatrlar salynady. Shymkent qalasynda opera jáne balet teatrynyń qurylysy bastalmaq. Bıyl Muhtar Áýezov atyndaǵy Qazaq ulttyq drama teatrynyń ashylǵanyna 100 jyl tolýyna oraı, ǵımaratta júrgizilip jatqan kúrdeli jóndeý jumystary aıaqtalady. Sonymen qatar Natalıa Sas atyndaǵy orys memlekettik akademııalyq balalar men jasóspirimder teatry da jańǵyrtylady.
Qasym-Jomart Toqaev: Bos qııal men dálelsiz ýádelerge qarsymyn
Prezıdent mádenıet oshaqtaryn jańartý isi jalǵasa beretinin aıtty.
«Budan bólek, eki jyldyń ishinde elimizde 100-den astam mádenıet oshaǵy jóndeledi», dedi ol.
Prezıdent Qyzylorda oblysynyń áleýmettik jáne ekonomıkalyq jetistikterine toqtaldy
Mýzeı isin damytý da nazardan tys qalmaıdy. Memleket basshysy Qyzylordada ashylǵan jańa tarıhı-ólketaný mýzeıin erekshe atap ótti.
«Men kúzde qalaǵa jumys saparymen kelgende murajaıdy aralap kórdim. Zaman talabyna saı salynǵan ortalyqta mýzeı isin uıymdastyrýdyń tyń tásilderi qoldanylǵan. Bul tájirıbeni basqa oblystarǵa úlgi etýge bolady», dedi Prezıdent.
Memleket basshysy Abaıdyń «Qara sózderin» IýNESKO tizimine engizýdi usyndy
Sonymen birge Qyzylordada jańa drama teatr salý josparda engizilgeni aıtyldy. Memleket basshysy Qyzylordada jańa drama teatr salý josparda bar eken, onyń qurylysy bıyl bastalýy kerek ekenin jetkizdi. О́tken saparynda oblystyń zııaly qaýym ókilderimen kezdesýde zamanaýı kitaphana salý qajettigin aıtqanyn da eske saldy.