Almatyda Ońtústik Koreıanyń tanymal «Meniń kishkentaı boıdaq jigitim» teleshoýy túsirildi. Túsirilimge koreı eliniń áıgili akterleri Pe Chon Nam, Lı Son Mın, Kım Son Gıýn jáne Kım Chon Sý arnaıy kelgen, dep jazady Egemen.kz.
Baǵdarlama Almaty qalasy men óńirdiń negizgi týrıstik nysandary Kóktóbe, Shymbulaq, Medeý, Kók bazar, Kólsaı kólderi men ózge de kórnekti orynda taspalanǵan.
Qala ákimdiginiń málimetinshe, Almatyda túsirilgen shyǵarylym aqpan aıynyń basynda SBS telearnasynan usynylady.
Ońtústikkoreıalyq túsirilim tobyna Almaty Tourism Bureau komandasy qoldaý kórsetip, uıymdastyrý jumystaryna qol ushyn sozǵan.
Almatyda mádenı-bilim berý ortalyǵy ashyldy
«Joba halyqaralyq deńgeıdegi mańyzdy aqparattyq oqıǵaǵa aınalyp, sheteldik aýdıtorııanyń Almatynyń týrıstik áleýetine degen qyzyǵýshylyǵyn arttyrdy», delingen qala ákimdigi taratqan habarlamada.
Aıta keteıik, buǵan deıin Shymbulaq pen Medeýge sheteldikter tánti bolyp, Almaty Viajar jýrnalynyń tizimine engenin habarlaǵanbyz.
Almatynyń ásem tabıǵaty Vogue basylymynyń da nazaryn aýdaryp, eń úzdik 14 baǵyt qataryna qosqan edi.