ASTANA. 24 naýryz. Búgin Avstrııanyń astanasy Vena qalasynda ótken Eýropa Fýtbol assosıasııalary odaǵynyń (ÝEFA) kongresi osy uıymnyń basshysyn saılady. Úshinshi merzimge, taǵy da tórt jylǵa prezıdent bolyp 59 jastaǵy Mıshel Platını saılandy. Bul týraly «Sovetskıı sport» habarlady.
Aıta ketý kerek, daýys berýde Platını jalǵyz kandıdat boldy.Kongreske uıymǵa kiretin barlyq 54 assosıasııanyń ókilderi qatysty.
Eske sala keteıik, Mıshel Platını birinshi ret 2007 jyly ÝEFA-nyń prezıdenti bolyp saılandy. Al 2011 jyly ol ekinshi merzimge qaıta saılandy. Sol joly da fransýz mamanynyń qarsylasy bolǵan joq.
Damır Qojamqul.