Bıznes máseleleri júıeli túrde sheshiledi

Jobalyq keńse Salyq kodeksi­niń jáne kásipkerlikti retteýshi­niń jańa normalaryn qoldanýǵa baılanysty bıznes ótinishterin júıeleý ári jedel qaraý úshin biryńǵaı úılestirý ortalyǵy retinde qurylady. Onyń min­deti – memlekettik organdardyń kelisilgen is-qımylyn qamtamasyz etý men kásipkerlik qoǵamdastyqpen turaqty keri baılanys ornatý.

Jobalyq keńseniń birinshi otyrysyna «Atameken» UKP bas­shylyǵy, kásip­kerlerdiń quqyq­taryn qorǵaý jónindegi ýákil Qanat Nurov, ortalyq memlekettik organdardyń ókilderi qatysty.

Jobalyq keńse jumysynyń negizgi logıkasy – «bir tereze» qaǵıdaty. Salyq organdarynyń call-ortalyǵy, SalykBot Telegram-arnasy, Memlekettik kirister komıtetiniń bólimsheleri, «Atameken» UKP, áleýmettik jeliler men basqa da kommýnı­kasııa arnalary arqyly túsetin bıznestiń barlyq ótini­shi bir ortalyqta jınaqtalady. О́tinish­terge jaýap berýdiń naqty merzim­deri belgi­lenedi. Kúrdeli jáne vedomstvo­ara­lyq sı­pattaǵy máse­le­ler salalyq mem­­le­kettik or­gan­dardyń qatysýymen joba­lyq keńseniń otyrystaryna shyǵarylady.

Jobalyq keńseniń otyrysyn apta saıyn ótkizý josparlanyp otyr. Olar bıznestiń eń ózekti ári jıi kóteretin máselelerin qarastyryp, sheshim­der ázirlenedi, túsiniktemeler beriledi. Jobalyq keńse jumysynyń qorytyn­dysy memlekettik organdar men buqara­lyq aqparat quraldarynyń kommýnıkasııa arnalary arqyly jalpy jurtshylyqqa únemi jetkiziledi.

Qarjy vıse-mınıstri Erjan Birjanovtyń aıtýynsha, 1-20 qańtar araly­ǵynda salyq júıesinde 22 myń jańa salyq tóleýshi tirkelgen. Onyń 20 myńnan astamy jeke kásipker, 2 myńǵa jýyǵy zańdy tulǵa. Jańa QQS tóleýshilerdiń sany – 7100.

«О́zin-ózi jumyspen qamtý­shylar rejimin 137 708 salyq tóleýshi tańdady. Onyń 100 myńnan astamy buryn salyqtyq ákimshilendirý salasynda bolmaǵan jeke tulǵa. Jańa rejim JK tirkeý­siz jáne kassalyq apparatty qol­danbaı, salyq tólemeı, tabystyń 4% mólsherinde áleýmettik tólemder boıynsha ǵana mindettememen jumys isteýge múmkindik beredi», dep atap ótti E.Birjanov.

Implementasııa kezeńi obek­tıvti qıyndyqtarmen birge júretini atap ótildi. Qańtardyń basynda salyqtyq ákimshilendirýdiń ıntegrasııalanǵan júıesin (SÁIJ) iske qosý kezinde tehnıkalyq másele tirkeldi. Búginde  barlyq ádistemelik jáne tehnıkalyq máseleler retteldi. SÁIJ eldegi eń iri aqparattyq júıe bolyp sanalady. Ol bir ýaqytta 250 myń salyq tóleýshige qyzmet kórsetedi.

Búginde bıznestiń negizgi ótinish­teri qoldanbaly sıpatqa ıe ári salyq salý rejimin tańdaýǵa, habar­lamalar berýge, derekterdi óńdeýdiń durystyǵyna, EQJJ tańdaýǵa, elektrondyq shot-faktýralardy toltyrýǵa jáne basqa da rásimdik máselelerge qatysty. Salyq tóleý­shi­lerdi jedel qoldaý úshin MKD janyndaǵy konsýltasııa keńseleri, call-ortalyq jáne SalykBot Telegram-arnasy turaqty jumys isteıdi.

5 qańtardan bastap barlyq oblys ortalyǵy men respýblıkalyq mańyzy bar qalalarda aptasyna úsh ret «Halyq býhgalteri» aksııasy ótkizilip jatyr. Oǵan jeti sala­lyq qaýymdastyqtyń atynan 100-den asa býhgalter qatysady. 3 myń­nan astam adam tegin keńes aldy.

Otyrys sońynda Serik Juman­ǵarın reforma kezeńinde Salyq kodeksiniń normalaryn qalyp­tastyrýǵa jáne talqylaýǵa basa nazar aýdarylǵanyn, al ımplementasııa kezeńinde olardy qoldanýdyń naqty merzimi, túsinikti tetikteri men boljamdylyǵy túıindi mánge ıe bolatynyn atap ótti.

«Júzege asyrý barysynda suraq sózsiz týyndaıtyny belgili. Eger olarǵa túsiniksiz jaýap berilse, vedomstvolarda kúrdeli máseleler jınalyp qalady. Jobalyq keńse bıznes máselelerin jedel jáne júıeli túrde sheshý úshin qurylady», dedi ol.