ASTANA. 24 naýryz. Keshe túnde qazaqstandyq kásipqoı boksshy Janqosh Turarov Kolýmbııanyń Barankılıa qalasynda jergilikti atlet Dýnıs Lıanmen shaıqasyp, 7-raýndta tehnıkalyq nokaýtpen jeńiske jetti. Bul týraly Boxingnews.kz habarlady.
Bizdiń jerlesimiz urystyń birinshi raýndynan basym kórindi. Ol ekinshi raýndta qarsylasyn eki ret nokdaýnǵa túsirdi. Al úshinshi raýndta sharshy alańdaǵy jaǵdaı teńeskendeı boldy. Biraq 4, 5-raýndtarda Janqosh azdaǵan basymdyqpen artyq kórindi. Ol 7-raýndta kolýmbııalyqty taǵy bir ret nokdaýnǵa jiberdi. Sodan keıingi raýndta qazaqstandyqtyń qarsha jaýǵan soqqysynan keıin referı shaıqasty toqtatýǵa májbúr boldy. Sóıtip, 24 jasar sportshymyz tehnıkalyq nokaýtpen jeńiske jetti.
Eske sala keteıik, osy kúni taǵy bir qazaqstandyq boksshy - Qanat Islam da kolýmbııalyq boksshymen – Orlando De Hesýs Estradamen kezdesip, nokaýtpen utqan bolatyn.
Damır Qojamqul.
https://youtu.be/end7Q-MHWYA