Qazyna qarjysy uqypty jumsalýǵa tıis

Merzimi ótken nesıeleri bar azamattardyń banktik shottaryn buǵattaý tájirıbesin qaıta qaraýdy usyndym. О́ıtkeni bul adamnyń jumys isteýine, ártúrli tólem jasaýyna keder­gi keltiredi. Bir sózben aıt­qan­da, adam quqy­­ǵyn shekteýmen birdeı. Muny tolyǵymen toqtatý nemese jartylaı ǵana buǵattap, qarajattyń qalǵan bóligin adam ózi paıdalana alatyndaı múmkindik jasalýy kerek. Halyqtyń talap-tileginen týǵan usynysyma sáıkes bank qyzmetine qatysty sheshim qabyl­dan­dy. Qatań sharalar júze­ge asyrylatyn boldy. Onlaın nesıe be­ril­meıtin boldy. Ne­sıe alǵy­sy kelgen adam bankke ózi ba­ryp, tirkelýi kerek.

Jıi synǵa iligetin bilim men medısına salasy boıynsha da keıbir túıtkildiń túıini osy jıynda tarqatylǵandaı. Men buǵan deıin qur qańqasy ǵana bar, biraq qural-jabdyǵy joq jeke mektepterdegi bilim sapasy týraly aıtqan edim. Mundaı bilim ordalary adamdy jumysqa qabyldarda kóbine eńbek shartyn jasamaıdy. Ýaqytsha alady, onda da aılyq jalaqysyn durys tólemeıdi, zeınetaqy jarnasyn aýdarmaıdy. Prezıdent Quryltaıda ke­ıingi kezde ózine jeke­menshik mektepterdi qar­jy­­lan­dyrý tetigine qatysty aza­mat­­tardan kelip túsetin saýal­dar jıilep ketkenin aıtty. Bilim berý salasynda memle­ket­­tik qarjylandyrýdyń qol­da­­nystaǵy tártibi burma­la­nyp otyr­­ǵanyn atap ótip, ony shu­­ǵyl túrde túzetý qajettigin má­lim­­dedi. Osyǵan baılanysty Úkimetke bilim berý salasyn mem­lekettik qarjylandyrý meha­nız­min jedel reformalaýdy min­dettedi. Jıi synǵa iligetin me­dı­sınalyq saqtandyrý júıe­si­niń ashyqtyǵy týraly másele de kóte­rildi. Memleket basshysy Áleýmettik medı­sınalyq saq­tan­dyrý (MÁMS) qoryndaǵy keshendi tek­seris nátıjesinde kóp­tegen zańbuzýshylyq derek­te­ri anyqtal­ǵanyn jetkizdi. Úki­met­­­tiń atalǵan saqtandyrý qo­ryn Qarjy mınıstrliginiń qaraýy­na berý týra­ly sheshi­min quptady.

Murat ÁBENOV,

Májilis depýtaty