Kompanııa ókilderi qaladaǵy memlekettik orta bilim berý uıymdarynda oqıtyn oqýshylardyń jeke derekteriniń taralýyna jáne Kundelik.kz platformasynan BilimClass júıesine ótýdiń sebepterin túsindirdi, dep habarlaıdy Egemen.kz.
Kópshilikke málim bolǵanyndaı, bıyl jyl basynda qaladaǵy 200-den astam mektep Kundelik.kz platformasynan jańa BilimClass júıesine kóshe bastady. Bul jaǵdaı ata-analar men pedagogterdiń alańdaýshylyǵyn týǵyzǵany belgili. Platforma ata-analar men muǵalimderge resmı habarlama berilmesten aýystyrylǵan. Saldary derbes derekterdiń saqtalýy, zańnamaǵa sáıkestik jáne bilim berý úrdisiniń senimsizdigine ulasty.
Osy jaıtqa qatysty qalalyq bilim basqarmasy jaýap berip, messendjerler men áleýmettik jelilerde oqýshylardyń jeke derekteriniń taralǵany jalǵan ekeni, málimetterdiń shyndyqpen janaspaıtyndyǵy týraly aıtty.
Baspasóz máslıhatynda Muhtar Ilııasov oqýshylar derekteriniń taralýy jalǵan aqparat ekenin rastady. Aıtýynsha, platformada paıdalanylatyn barlyq derekter Astanada data ortalyqta ornalasqan. Transshekaralyq derekterdiń taralýy múmkin emes. Iаǵnı, mektep oqýshylarynyń jeke derekteri tolyǵymen el aýmaǵynda saqtalady. Reseılik ázirleýshiler men quryltaıshylar úshin qoljetimsiz. Munymen qosa Kundelik.kz platformasy Reseıde qoldanylatyn nusqadan aıtarlyqtaı erekshelenedi. Internetke qosylý, basqa da fýnksııalar boıynsha bir shlıýz arqyly jumys isteıtin kompanııa úsh-alty aı saıyn tekseristen ótip otyrady.
«Kundelik» júıesine tirkelgen oqýshylardyń derekteri rasymen tarap ketti me?
Muhtar Ilııasov sonymen qatar atalǵan platforma qoldanysqa enbesten buryn eki jylǵa jýyq tekserýden, memlekettik-jekemenshik áriptestik prosedýralarynan ótkendigin atap ótti. Alańdatyp otyrǵan jaǵdaı platforma ókilderi, qala bilim basqarmasy tarapynan resmı suranystar men túsindirmelerdiń bolmaǵandyǵymen baılanysty. Bizdiń oıymyzsha, bul múldem zańsyz, sebebi Almaty qalasynyń Bilim basqarmasy men balamaly júıe arasynda zańdy kúshine enetin qujattar joq.
Kásipker jeltoqsannyń 17-si kúni Almaty qalalyq bilim basqarmasynyń basshylyǵymen sóılesken. Kezdesýde sheshimin tabý qajetti máseleler aıtylyp, oń nátıjemen aıaqtalǵan. Al ázirge bilim basqarmasy dıalogqa shyqpaǵan.
Qostanaı oblysyndaǵy mektepter «Kundelik» júıesinen bas tartty
Muhtar Ilııasovtyń aıtýynsha, Kundelik.kz kompanııasymen jasalǵan memlekettik-jekemenshik áriptestik kelisimi 2030 jylǵa deıin sozylyp, 16 oblystaǵy 5190 memlekettik mektepti qamtýy tıis edi. Qazirgi kezde kompanııa toǵyz aımaqta – úsh megapolıs pen alty oblysta jumys istep jatyr. Kompanııa basshysy fýnksıonaldyǵy jaqsy jolǵa qoıylǵan eki elektrondy kúndelik platformasynyń qatar jumys isteýine qarsy emes. Biraq barlyq is-áreketterdiń zań aıasynda, quqyqtyq qujattar negizinde iske asqany qajet.
ALMATY