ASTANA. 24 naýryz. Úndistan budan buryn jasalǵan kelisim boıynsha Reseıge býıvol etin eksportqa shyǵara bastady. Bul týraly «Rosselhoznadzor» málimetine súıengen Lenta.Ru habarlady.
О́nim úndiniń Reseı Federasııasyna eskport shyǵarýǵa ruqsaty bar Frigerio Conserva Allana Private Limited jáne Fair Exports (India) Pvt. Ltd atty tórt kásipornynan kelip jatyr. Qazir Reseı terrıtorııasyna jalpy salmaǵy 409 tonna bolatyn býıvol eti 16 konteınermen kelip tústi.
«Rosselhoznadzor» Úndistanǵa býıvol etin ákelýge 2014 jylǵy jeltoqsanda ruqsat bergen bolatyn. Vedomstvo sondaı-aq Irannan keletin qara ýyldyryqtyń da joly ashylǵanyn jarııa etti. Osyǵan baılanysty sanıtarlyq-gıgıenalyq sertıfıkattardy Irannyń 18 kásiporny alyp otyr.
Reseı budan bólek, ótken jylǵy 9 qazanda Fılıppınnyń Coral Agri-ventures Farm kompanııasyna muzdatylǵan qoltyraýyn etin ákelýge de kelisim bergen bolatyn.
RF mundaı qadamǵa 2014 jylǵy tamyz aıynda Eýroodaq elderinen, Avstralııadan, Kanadadan, Norvegııa men AQSh-tan et ónimderiniń, kókónis pen jemis-jıdektiń, teńiz ónimderi men salqyndatylǵan balyqtardyń, sút jáne sút ónimderiniń ákelýine tyıym salǵannan keıin bardy. Embargo atalǵan elderdiń Ýkraınanyń ońtústik-shyǵysyndaǵy jaǵdaılarǵa baılanysty engizgen sanksııalaryna jaýap retinde salyndy.
Murat Aıtqoja.