Jarqyn jeńisimen quttyqtady

Elbasynyń atyna halyqaralyq uıymdardyń basshylarynan, bizdiń elimiz ben shet memleketterdiń dıplomatııalyq, iskerlik toptary men bilim salasy ókilderinen, sondaı-aq, Qazaqstannyń túrli óńirlerindegi turǵyndardan quttyqtaýlar kelip túsýde. Elbasy Nursultan Nazarbaevtyń atyna Monako Knıazi II Alberden quttyqtaý jedelhaty keldi, dep habarlady Prezıdenttiń baspasóz qyzmeti. II Alber Nursultan Nazarbaevty Qazaqstan Prezıdenti laýazymyna qaıta saılanýymen quttyqtady. «Elderimizdiń arasyndaǵy tyǵyz yntymaqtastyqty nyǵaıtý úshin meniń qandaı kúsh-jiger jumsap otyrǵanym Sizge málim. Bıik mıssııańyzdy atqarý barysynda Sizdiń barynsha tabysty bolýyńyzǵa degen shynaıy tilektestigimdi bildirýge ruqsat etińiz», – delingen jedelhatta. * * * Halyqaralyq áleýmettik qamtamasyz etý qaýymdastyǵynyń bas hatshysy H.-H.Konkolevskı uıymnyń 160 elden ókildik etken músheleri atynan Qazaqstannyń áleýmettik qamtamasyz etý júıesin nyǵaıtý baǵytyndaǵy mańyzdy qadamdaryn quptaıtynyn aıtty, sondaı-aq, Nursultan Nazarbaevtyń jaýapty qyzmetine tabys tiledi. Halyqaralyq túrki mádenıeti uıymynyń (TúrkSOI) bas hatshysy D.Qaseıinov Qazaqstan halqy saılaýda Nursultan Nazarbaevtyń eldi táýelsizdiktiń alǵashqy kúninen bastap damytýǵa qosqan úlesin, sondaı-aq eldegi kelisim men turaqtylyqty qamtamasyz etýge baǵyttalǵan saıasatyn baǵalaı otyryp tańdaý jasaǵanyna nazar aýdarǵan. Fransııa Senatynyń burynǵy tóraǵasy K.Ponsele Nursultan Na­zar­baevtyń basshylyǵymen Qazaqstannyń qarqyndy áleýmettik-ekonomıkalyq damýyn jalǵastyratynyna senim bildirgen. Ázerbaıjannyń Reseıdegi Tótenshe jáne ókiletti elshisi P.Bıýlbıýloǵly Nursultan Nazarbaevqa Qazaqstan hal­qynyń kórsetip otyrǵan senimi Memleket basshysynyń eńbeginiń qaltqysyz moıyndalýy ekenin atap ótken. «Sizge tán eren qasıetter búginde Qazaqstannyń aldynda turǵan odan ári damý maqsattarynyń iske asyrylýyn qamtamasyz etýge septigin tıgizetinine kúmánim joq», – dep jazady avtor. Kezinde bizdiń elimizde de ju­mys istegen Qyrǵyzstannyń Túrik­men­standaǵy Tótenshe jáne ókiletti elshi­si J.Rústenbekov Qazaqstannyń halyq­aralyq arenadaǵy bedeliniń óskenin jáne syrtqy saıası qyzmetiniń Ortalyq Azııa óńirinde de jandana túskenin atap ótken. «Sizdiń Otan ıgiligi jolyndaǵy qa­jyrly eńbegińizdiń, syndarly ári kóregen saıasatyńyzdyń arqasynda baýyrlas Qazaqstan el ómirin áleýmettik jáne ekonomıkalyq turǵydan túbegeıli jańǵyrtý isinde tamasha tabystarǵa jetti, óńirde mańyzdy geosaıası fýnksııaǵa ıe boldy», – delingen hatta. Qazaqstannyń Serbııadaǵy qurmetti konsýly Nursultan Nazarbaevtyń Pre­zıdent saılaýyndaǵy jeńisi júrgi­zilip jatqan saıasatty el halqy qoldaı­ty­nynyń daýsyz aıǵaǵy ekenin atap ótken. «Qazaqstannyń turaqtylyǵy búkil Ortalyq Azııanyń turaqtylyǵyn bil­diredi. Sizdiń basshylyǵyńyzben respýb­lıka óz bolashaǵy úshin ǵana emes, kórshi elder úshin de sheshýshi qadamdar jasap jatqanyna senimdimin», – delingen quttyqtaýda. Sofııa qalasyndaǵy hımııa tehnologııasy jáne metallýrgııa ýnıversıtetiniń basshylyǵy men akademııalyq qoǵam­das­tyǵy Nursultan Nazarbaevty Qazaq­stan Prezıdenti bolyp saılanýymen quttyqtady. «Bizdiń ýnıversıtet pen Qazaqstan joǵary oqý oryndary arasynda paıdaly baılanystar ornatylǵan. Osy iskerlik, dostyq jáne kásibı qarym-qatynastar birlesken ǵylymı jáne oqytýshylyq jumys týraly qol qoıylǵan sharttarda kórinis tapty. Sizdiń alǵan bilimińiz ben alǵashqy kásibı qyzmetińiz metallýrgııamen tyǵyz baılanysty ekenin biz bilemiz, bul biz úshin maqtanýǵa sebep bola alady», – delingen hatta. Belarýs Ulttyq ǵylym akade­mııa­synyń prezıdıým tóraǵasy V.Gýsakov eldiń ǵylymı jurtshylyǵynyń jáne jeke óziniń atynan Nursultan Na­zar­baevty Qazaqstan Prezıdenti laýazymyna saılanýymen rııasyz kóńilden quttyqtaǵan. «Sizge jáne Qazaqstan halqyna eldi ornyqty áleýmettik-ekonomıkalyq damytý salasynda budan ári de tabysqa jete berýdi tileımin, sonymen qatar, qa­zaq-belarýs qarym-qatynastary ǵylym, tehnologııa jáne ınnovasııalar salasynda tabysty damıdy dep úmittenemin», – dep jazady avtor. Caspian European Club múshe kom­pa­nııalardyń basshylary men Caspian Energy International Media Group oqyrman aýdıtorııasy Nursultan Nazarbaevty prezıdenttik saılaýdaǵy aıqyn jeńi­si­men quttyqtap, myqty densaýlyq jáne Qazaqstannyń ıgiligi jolyndaǵy qyz­metine tabys tiledi. Jetisý kazaktary odaǵynyń múshe­leri, Aqsaqaldar keńesi, atamandyq bas­qarmasy eldiń bolashaǵyn tek Nursultan Nazarbaevpen birge ǵana kózge elestete alatyndaryn atap ótken. «Bizdiń memleketimiz qýatty ári ór­kendep kele jatqan elge aınaldy. Bizdi dúnıejúzi biledi jáne syılaıdy. Sizdiń «Qazaqstan-2050» Strategııańyz ben «Nurly Jol» baǵdarlamańyz elimizdiń baq-berekesiniń kepili bolyp sanalady. Biz árqashan Sizben birgemiz jáne Sizdi qoldaımyz», – dep jazady avtorlar. «QazAlıans» qoǵamdyq birlestiginiń músheleri ótken saılaýda halqymyz el ómirindegi oń ózgeristerdi laıyqty baǵa­la­ǵanyn atap ótken. «Bul tańdaý – Qazaqstannyń turaqty ári ornyqty damýy úshin jasalǵan tań­daý, bul halqymyzǵa máńgilik memleket qurý úshin qol jetken jetistikterin saq­tap, eseleı túsýge múmkindik beredi», – de­lingen hatta. Kóptegen hattar men jedelhattar Qyzylorda oblysynan – ardager Sh.Qut­­tybaevtan, jýrnalıst Sh.Dár­maǵan­­betovten, Batyr ana D.Jaq­sy­ly­q­o­vadan, «Araltuz» AQ eńbek­keri K.Jol­myrzaevtan; Jalaǵash aýdany­nyń turǵyndary – tyl ardageri M.Shá­ri­pov­­ten, Qazaqstan Jazýshylar jáne Jýr­­nalıster odaqtarynyń múshesi G.Ábildadan, «Temirqazyq» jastar qoǵam­­dyq birlestiginiń tóraǵasy E.Baq­ber­gen­ulynan, «Sárke batyr» sharýa­shy­lyǵynyń basshysy N.Demeýov­ten, kásipker A.Mahatovadan; Shıeli aýda­­nynan – Sosıalıstik Eńbek Eri Sh.Qa­zanbaevadan, aýdannyń qur­metti ardageri A.Sársenbaevtan, aý­dan­­dyq áıelder keńesiniń tóraıymy N.Pa­­lymbetten, «Shıeli-Samǵaý» jas­tar qoǵamdyq birlestiginiń tóraıymy A.Ma­manovadan, A.Ábdiqadyrovadan, Qy­zylorda qalasynan – qalalyq ardagerler keńesiniń basshysy A.Ábdibaevtan, «Jas ǵalymdar alıansy» qoǵamdyq birlestiginiń jetekshisi G.Baıulovtan, «Bolashaq jastary» jastar qoǵamdyq birlestiginiń tóraǵasy B.Mástekovten, «О́zbek qoǵamdyq-mádenı ortalyǵy» qo­ǵamdyq birlestiginiń tóraǵasy A.Ha­mı­dovtan, «Babas» JShS dırektory N.Er­manovtan, D.Nazarovadan kelip tústi. Quttyqtaýlar men tilekter Astana qalasynan – birinshi synypty ushqysh-ınjener N.Aqmuhanovtan, L.N.Gýmılev atyndaǵy Eýrazııa ulttyq ýnıver­sıtetiniń dosenti M.Jaqyptan, Ońtústik Qazaqstan oblysynan E.Myńbaevtan, Taraz qalasynan – A.Dúısenbekovadan, Petropavl qalasynan – V.Popovtan, Ba­tys Qazaqstan oblysy Zachagansk kenti­nen – L.Pokatılovtan, Astana qalasy №60 mektebiniń 2-synyp oqýshysy Sh.Ka­renkınnen, Shyǵys Qazaqstan oblysy Zaısan qalasynan mektep oqýshysy N.Bekturovtan kelip tústi.