ASTANA. 24 naýryz. Memleket basshysy Ispanııa Koroli VI Felıpege Germanwings avıakompanııasy ushaǵynyń apatqa ushyraýyna baılanysty kóńil aıtý jedelhatyn joldady. Bul týraly Aqordanyń saıtyna silteme jasaǵan egemen,kz habarlady.
Jedelhatta ushaq apaty saldarynan Ispanııa azamattarynyń qaza bolǵandyǵy týraly habardy Nursultan Nazarbaevtyń tereń kúızelispen qabyldaǵany atap ótilgen.
Elbasy Qazaqstan halqynyń jáne jeke óz atynan Ispanııa Koroline, qaza bolǵandardyń týystary men jaqyndaryna, sondaı-aq barsha ıspan halqyna kóńil aıtty.