Keshe halyqaralyq gýmanıtarlyq quqyqqa saıası beıildilikti kúsheıtý jónindegi jahandyq bastamanyń alty negizin qalaýshy memleket 2026 jyldyń tórtinshi toqsanynda Iordanııa Hashımıt Koroldiginde soǵys kezinde adamzattyq qundylyqtardy saqtaýǵa arnalǵan joǵary deńgeıli konferensııa ótetinin jarııalady.
Uly Mártebeli Iordanııa Hashımıt Koroldiginiń Koroli II Abdalla ben ál-Hýseın jáne Brazılııa, Iordanııa, Qazaqstan, Qytaı, Fransııa jáne Ońtústik Afrıka Respýblıkasy basshylary Halyqaralyq Qyzyl Krest komıtetimen áriptestikte barlyq memleketterdiń basshylaryn osy sheshýshi kezeńde birlesip áreket etýge shaqyrady. Ol soǵys júrgizý erejeleriniń qaqtyǵys kezindegi ortaq adamgershiligimizdi saqtaýda irgeli mańyzǵa ıe jáne bul erejelerdiń ámbebap, ádil ári dáıekti túrde saqtalýǵa tıis ekenin biraýyzdan rastap, birlik tanytýymyz qajettigin atap ótti.
Soǵystaǵy qatygezdikti, aqylǵa qonymsyz adamzattyq azap-qaıǵyny jáne zalaldy toqtatýǵa degen tereń jaýapkershilik pen shuǵyl qajettilikti sezine otyryp, Brazılııa, Iordanııa, Qazaqstan, Qytaı, Fransııa, Ońtústik Afrıka Respýblıkasy Halyqaralyq Qyzyl Krest komıtetimen birlesip, 2024 jylǵy qyrkúıekte halyqaralyq gýmanıtarlyq quqyq jónindegi jahandyq bastamany iske qosty.
Búginge deıin álemniń barlyq óńirinen 99 memleket halyqaralyq gýmanıtarlyq quqyq jónindegi jahandyq bastamaǵa resmı túrde qosyldy. 27 memleket halyqaralyq gýmanıtarlyq quqyqty qurmetteýdi nyǵaıtýǵa, soǵys júrgizýdiń qazirgi zamanǵy ózgeristeri týyndatqan syn-qaterlerdi sheshýge baǵyttalǵan praktıkalyq usynymdar ázirleý úshin jeti taqyryptyq jumys baǵytyn birlesip úılestirip otyr. Bastamashy top barlyq memleketti osy kúsh-jigerge qosylyp, soǵys ýaqytynda zulymdyqtyń aldyn alyp, adamzattyq qundylyqtardy qorǵaý boıynsha ortaq jaýapkershiligimiz tóńireginde birigýge shaqyrady.