«Qazgıdromet» sınoptıkteri 25-27 qańtar aralyǵynda kútiletin aýa raıy boljamyn jarııalady. Aldaǵy kúnderi Astanada aıaz ben boran kúsheıse, Almaty men Shymkentte tuman men kóktaıǵaq qaýpi saqtalady, dep habarlaıdy Egemen.kz.
Elordada:
25 qańtar: Túnde aıaz -20-22°S-qa deıin kúsheıip, kúndiz -11-13°S shamasynda saqtalady. Qar jaýyp, boran soǵady. 26 qańtar: Temperatýra taǵy da tómendeıdi. Kúndiz -13-15°S, túnde -22°S. Soltústik-shyǵystan soǵatyn jeldiń ekpini (9-14 m/s) aıazdyń áserin kúsheıte túspek. 27 qańtar: Boran basylmaıdy. Kúndizgi kórsetkish -15-17°S-qa deıin tómendeıdi.Almatyda jaýyn-shashyn kútilmegenimen, kólik qozǵalysyna kedergi keltiretin tabıǵı qubylystar basym bolady.
25 qańtar: Kúndiz 0,-2°S sýyq. Túnde jáne tańerteń túsetin tuman men joldardaǵy kóktaıǵaq júrgizýshilerden erekshe saqtyqty talap etedi. 26-27 qańtar: Aýa temperatýrasy azdap kóterilip, kúndiz +2°S-qa deıin jylynady.Shymkentte:
25 qańtar: Túnde qar, kúndiz qar aralas jańbyr jaýady. Jeldiń ekpini 15-20 m/s deıin jetip, daýyldy sıpat alýy múmkin. 26 qańtar: Qysqa merzimdi úzilis: kún ashylyp, +5°S-qa deıin jylynady. 27 qańtar: Qaıtadan jaýyn-shashyn ornap, kóktaıǵaq qaýpi saqtalady.