Biryńǵaı jınaqtaýshy zeınetaqy qorynyń salymshylary elektrondy úkimet portalynda ınvestısııalyq kirisi kórsetilgen zeınetaqy jınaqtarynyń jaǵdaıy týraly aqparatty ala alady.
Búgingi kúni egov.kz paıdalanýshylarynyń Zeınetaqy tóleý jónindegi memlekettik ortalyqtyń (ZTMO) anyqtamalaryn alýǵa múmkindigi bar, onda zeınetaqy aýdarymdarynyń somasy kirissiz kórsetilgen.
Anyqtamanyń jańa túrinde salymshynyń zeınetaqy jınaqtarynyń jaǵdaıy, jeke zeınetaqy shottaǵy qarajattyń qozǵalysy, zeınetaqy jarnalarynyń túsýi, zeınetaqy tólemderiniń júzege asýy, sondaı-aq ınvestısııalyq kiris týraly aqparat bar.
«Burynǵy ZTMO elektrondy anyqtamasy salymshynyń zeınetaqy shotyndaǵy qozǵalysty kórsetken, biraq onda ınvestısııalyq kiris kórsetilmedi. EJZQ jańa anyqtamasy, sonyń ishinde salymshy belgili ýaqyttyń ishinde qandaı kiris nemese shyǵyn alǵandyǵyn kórsetedi», dep habarlaıdy «Ulttyq aqparattyq tehnologııalar» AQ basqarma tóraǵasy Rýslan Eńsebaev.
Qyzmet www.egov.kz portaly «Azamattar» kategorııasy – «Áleýmettik qamtamasyz etý» taraýy – «Zeınetaqylyq qamtamasyz etý» bóliminde qol jetimdi. Qyzmetti alý úshin elektrondy sıfrlyq qoltańba jáne «Elektrondy úkimet» portalynda tirkelý qajet. Qyzmet kórsetý merzimi 30 mınýttan aspaıdy.
«BJZQ aqparattyq júıeleri men «Elektrondy úkimet» portalyn biriktirýdiń basty maqsaty – bul jınaq týraly barlyq aqparatty qadamdyq qol jetimdilikte alý múmkindigi. Endi ár salymshy óziniń zeınetaqy jınaqtaýlaryn durys baqylaı alady», deıdi «BJZQ» AQ basqarma tóraǵasynyń orynbasary Rýslan Erdenaev.
2014 jyl qorytyndysy boıynsha, egov.kz arqyly ZTMO zeınetaqy jınaqtarynyń jaǵdaıy týraly elektrondy anyqtamasy 4 mln.-nan astam márte alyndy. Atalǵan anyqtama salymshylardyń jeke maqsattary, sondaı-aq bank nesıesin alý nemese salyq deklarasııasyn toltyrý úshin qoldanyla alady.
«Egemen-aqparat».