Prezıdent Bas prokýratýrada jıyn ótkizip, elimizde aýqymdy ózgerister jasalyp jatqanyn jáne aldymyzda Konstıtýsııalyq reforma júrgizý, múlde jańa saıası júıege qadam basý mindeti turǵanyn aıtty, dep jazady Egemen.kz.
Sonymen qatar jańa dáýirde barlyq salaǵa sıfrlandyrý men jasandy ıntellektini jappaı engizý jumysymen belsendi túrde aınalysý qajet ekenin atap ótti.
Qasym-Jomart Toqaev qoǵamymyzǵa, jalpy elimizge zań ústemdigi, tártip myqtylyǵy aýadaı qajet ekenin aıtty.
«Keıbir shet elderde bolyp jatqan qazirgi óte kúrdeli ahýaldy kórip, bul saıasatymyzdyń durystyǵyna bárimizdiń kózimiz jetip otyr, oǵan eshqandaı kúmán joq. Zań men tártip memlekettik saıasatymyzdyń negizgi qaǵıdaty retinde qabyldanýy kerek, bul qaǵıdatty jańa Konstıtýsııamyzǵa mindetti túrde engizý qajet dep sanaımyn. Sebebi bul eshqashan ózektiligin joǵaltpaıtyn, ómirsheń qaǵıdat ekeni daýsyz. Bas prokýratýranyń osy saladaǵy róli asa mańyzdy. Prokýratýra qyzmetkeriniń zańnyń buzylýyna beıtarap, selqos qaraýǵa quqyǵy joq», dedi Prezıdent. Buǵan deıin Prezıdent qysqy Olımpıadaǵa qatysatyn ulttyq qurama múshelerine Memlekettik týdy tapsyrǵanyn habarlaǵanbyz.