2025 jyly 16 805 etnıkalyq qazaq tarıhı otanymen tabysyp, qandas mártebesin aldy. Jalpy 1991 jyldan beri respýblıkaǵa 1 mln 164,8 myń etnıkalyq qazaq oralǵan. Elge oralǵan qandastardyń 44,5%-y О́zbekstannan, 44,1% – Qytaıdan, 4% – Túrikmenstannan, 3% – Monǵolııadan, 2,5% – Reseıden jáne 1,9% – basqa elderden kelgen, dep habarlaıdy Egemen.kz.
Eńbek jáne halyqty áleýmettik qorǵaý mınıstrliginiń málimdeýinshe 2026 jylǵy 1 qańtardaǵy jaǵdaı boıynsha eńbekke qabiletti jastaǵy etnıkalyq qonys aýdarýshylar sany 57,4%-dy, eńbekke qabiletti jastan kishi 34%-dy jáne zeınetkerler 8,6%-dy quraǵan. Eńbekke qabiletti jastaǵy qandastardyń ishinen bilim deńgeıi boıynsha 15%-y joǵary bilimdi, 27,5%-y orta kásibı bilimdi, 51,2%-y jalpy orta bilimdi, 6,3%-nyń bilimi joq.
Qonys aýdarǵan etnıkalyq qazaqtar respýblıkanyń túrli óńirlerine qonystanǵan.
«Qandastardy qonystandyrý úshin eńbek kúshi tapshy Aqmola, Abaı, Qostanaı, Pavlodar, Atyraý, Batys, Shyǵys jáne Soltústik Qazaqstan oblystary anyqtaldy. Osy óńirlerge qonystanǵan qandastarǵa – bir mezgilde otaǵasyna jáne otbasynyń árbir múshesine 70 AEK (275,2 myń teńge) mólsherinde, turǵyn úı jaldaýǵa jáne kommýnaldyq qyzmetterge aqy tóleýge – bir jyl ishinde 15-ten 30 AEK (59-dan 118 myń teńgege deıin) mólsherinde sýbsıdııa túrindegi memlekettik qoldaý usynylady. 1 834 qandasqa túrli qoldaý sharalary kórsetildi. 428 adam turaqty jumysqa ornalastyryldy», delingen mınıstrlik habarlamasynda.
Depýtattar qandastarǵa grant berý merzimin 5 jylǵa sozýdy usyndy
Sonymen qatar erikti qonys aýdarýdyń tıimdiligin arttyrý maqsatynda azamattardy soltústik óńirlerge qonys aýdarýǵa qatysatyn jumys berýshilerdi qoldaý boıynsha ınstıtýsıonaldyq sharalar qabyldanǵan.
«Sonymen qatar turǵyn úı satyp alý jáne salý úshin ekonomıkalyq utqyrlyq sertıfıkaty engizildi. О́tken jyly atalǵan sertıfıkatty 586 otbasy aldy. 2026 jylǵy 1 qańtardan bastap ekonomıkalyq utqyrlyq sertıfıkatynyń mólsheri 1 625 AEK-ke deıin ulǵaıtyldy», delingen vedomstvo málimetinde.
Shymkent qandastar úshin jańa ózgeris jasady