Qazaqstan Respýblıkasy Parlamenti Senaty Tóraǵasynyń orynbasary Qaırat Ishanov Mońǵolııa Uly Memlekettik Hýralynyń múshesi, Mońǵolııa-Qazaqstan parlamenttik tobynyń jetekshisi A.Tileıhanmen kezdesti. Meımanmen kezdesýde Q.Ishanov A.Tileıhannyń bizdiń elimizge sapary Qazaqstan men Mońǵolııa arasyndaǵy ózara tıimdi yntymaqtastyqqa jańa serpin beretinin atap ótti.
Kezdesý barysynda Tóraǵa orynbasary Senattyń zań shyǵarý qyzmeti jáne parlamentaralyq únqatysýdy údetý jaıynda aıtty. Halyqaralyq kún tártibin talqylaı kelip, Q.Ishanov BUU Qaýipsizdik Keńesiniń turaqty emes músheligine Qazaqstannyń kandıdatýrasyn Ýlan-Batordyń qoldaıtynyna senim bildirdi jáne mońǵol kompanııalaryn Astanada ótetin EKSPO-2017 halyqaralyq kórmesine qatysýǵa shaqyrdy.
Senat Tóraǵasynyń orynbasary, sonymen qatar, A.Tileıhandy Álemdik jáne dástúrli dinder kóshbasshylarynyń V sezine ázirlik týraly habardar etip, dinı forýmǵa turaqty qatysyp kele jatqany úshin mońǵol jaǵyna rızashylyǵyn bildirdi. «О́tken tórt forým dinder men órkenıetter arasyndaǵy únqatysýdy ilgeriletýge yqpal etti. Sezd dinder men mádenıetter arasyndaǵy qaıshylyqtardy tek yntymaqtastyq pen ózara senim arqyly eńserýdiń naqty kórinisi boldy», dedi Q.Ishanov.
Kezdesýge senatorlar Murat Baqtııaruly, Baqtybaı Shelpekov jáne Májilis depýtaty Ashat Bekenov qatysty, dep habarlady Senattyń baspasóz qyzmeti.