Astanadaǵy Saraıshyq kópirinde jol apaty bolyp, eki adam qaza tapty. Oqıǵa ornynda jedel qyzmet ókilderi jumys istep jatyr, dep habarlaıdy Egemen.kz.
«Eýrazııa» birinshi arnasynyń málimetinshe, Toyota markaly avtokóliktiń júrgizýshisi Túrkistan kóshesinen Saraıshyq kóshesine shyqqan bette kólikti basqara almaı kópir ústinde qarsy baǵyttaǵy jolaqqa shyǵyp ketken. Saldarynan qarsy baǵytta kele jatqan Lada jáne Skoda kólikterimen soqtyǵysqan.
Aldyn ala derek boıynsha, jol apatynan eki adam qaza tapty.
Atalǵan derek boıynsha qylmystyq is qozǵaldy. Oqıǵanyń mán-jaıy anyqtalyp jatyr.
Aıta keteıik, 25 qańtar kúni Jetisý oblysynda jol apatynan bes adam qaza tapqan edi.