Elbasy Nursultan Nazarbaev usynǵan Bes ınstıtýttyq reformany» jáne «Nurly Jol» Jańa Ekonomıkalyq Saıasatyn júzege asyrý barysynda elimizdegi Energetıka mınıstrligi birneshe jobalardy júzege asyrýda.
Prezıdent janyndaǵy Ortalyq kommýnıkasııalar qyzmetinde ótken baspasóz máslıhatynda alǵa qoıylǵan birqatar tapsyrmalardy tarqatyp aıtqan Energetıka mınıstrliginiń Elektr energetıkasy departamentiniń dırektory Baýyrjan Sársenov atalǵan saladaǵy jobalarmen tanystyrdy. «Nurly Jol» baǵdarlamasynyń sheńberinde biryńǵaı elektr energetıka júıesin damytý taqyryby talqylanǵan jıynda elimizdiń energetıkalyq salasyn, onyń ishinde, elektr jáne kólik ınfraqurylymdaryn damytý bizdiń ekonomıkanyń basym baǵyttarynyń biri bolyp tabylatyndyǵy sóz boldy.
Bul oraıda Memleket basshysy Nursultan Nazarbaevtyń ótken jyldyń qarashasyndaǵy «Nurly Jol – bolashaqqa bastar jol» atty Qazaqstan halqyna Joldaýynda «Magıstraldyq jelilerdiń shekteýliligi eldiń ońtústik óńirlerinde elektr energııasynyń tapshylyǵyn týyndatyp otyr. Eki jobaǵa nazar salý kerek. Bul qazaqstandyq elektr stansalarynyń eldiń barlyq óńirlerin teńdestirilgen energııamen qamtamasyz etýine múmkindik beredi», dep atap ótken bolatyn, deı kele B.Sársenov osy mindetterdi iske asyrý maqsatynda kelesi rettegi joǵary voltty elektr jelileri salynatyndyǵyn alǵa tartty. Olardyń biri 500 kV bolatyn joǵary voltty «Ekibastuz – Semeı – О́skemen» bolsa, ekinshisi «Semeı – Aqtoǵaı – Taldyqorǵan – Almaty» elektr jelileri bolmaq.
Atalǵan jelilerdi salý eki kezeńnen turatyndyǵyna toqtalǵan B.Sársenov alǵashqy kezeńge 500 kV-tyq «Ekibastuz – Semeı – О́skemen» elektr jelisin salý jatatyndyǵyn aıtty. Ony iske asyrý merzimi 2011-2017 jyldar aralyǵy bolyp tabylatyndyǵyn tilge tıek etken ol, jobanyń birinshi kezeńin júzege asyrý úshin «KEGOC» AQ nysandardy salýda tolyqqandy tapsyrý qarastyrylǵan kelisimsharttarǵa qol qoıǵandyǵyn túsindirdi. Al ekinshi kezeńdi jospar boıynsha iske asyrý merzimi 2012-2018 jyldar aralyǵy bolyp otyrǵan 500 kV-tyq «Semeı – Aqtoǵaı – Taldyqorǵan – Almaty» joǵary voltty elektr jelisin salý, dedi departament dırektory.
Sonymen qatar, qazirgi tańda elektr tasymaldaý jelisin salýǵa jer ýchaskelerin bólý júzege asyryldy jáne 220 kV, 500 kV jáne qosalqy stansalar salynatyn joldarda jobalyq jumystar men ınjenerlik izdenis jumystary júrgizilýde, dep atap ótti B.Sársenov.
Nátıjesinde, joǵaryda atalǵan jobalar iske qosylǵan soń elimizdiń barlyq óńirlerin teńdestirilgen energııamen qamtamasyz etý máselesi ǵana sheshilip qoımaı, sondaı-aq, birqatar temirjoldardaǵy energııa tapshylyǵy baıqalatyn jerlerdi elektrlendirý úshin qolaıly jaǵdaı jasalady, deı kele Baýyrjan Sársenov shekaralas aýmaqtardy jáne qashyqtyqta ornalasqan óńirlerdi damytýǵa qosymsha serpin beriletindigin, jańartylatyn energııa kózderine baılanysty jobalardy engizýge jańa múmkindikter paıda bolatyndyǵyn alǵa tartty.
Elmıra MÁTIBAEVA,
«Egemen Qazaqstan».