Jańa Konstıtýsııa jobasynyń mátini «Egemen Qazaqstan» jáne «Kazahstanskaıa pravda» basylymdarynda, sondaı-aq Konstıtýsııalyq sottyń resmı saıtynda jarııalanady. Bul týraly Konstıtýsııalyq Sottyń tóraǵasy Elvıra Azımova Konstıtýsııalyq komıssııanyń kezekti otyrystynda habarlady, dep jazady Egemen.kz.
Ol komıssııanyń jumysy ashyq jáne mazmundy túrde júrip jatqanyn atap ótti.
Elvıra Azımovanyń aıtýynsha, komıssııa jumysyna bıliktiń zań shyǵarýshy, atqarýshy jáne sot tarmaǵynyń, sondaı-aq ǵylymı qaýymdastyq, azamattyq sektor jáne medıa ókilderinen turatyn 130 adam jumyldyrylǵan. Barlyq otyrystar Konstıtýsııalyq sottyń áleýmettik jelilerinde jáne «Konstıtýsııalyq reforma 2026» arnaıy Telegram-arnasynda tikeleı efırde kórsetilýde.
Jańa Konstıtýsııa saıası júıeni qalaı ózgertedi?
Konstıtýsııalyq Sottyń tóraǵasy jobany talqylaý kezinde quqyqtyq túzetýler sanyna emes, jańartylǵan mazmuny men mánine nazar aýdarý mańyzdy ekenin atap ótti.
«Jańa Konstıtýsııanyń negizinde adamǵa baǵyttalǵan memlekettik model kózdelgen. Onda adam, onyń quqyqtary, bostandyqtary men qadir-qasıeti eń joǵary qundylyq jáne memlekettik saıasattyń basty baǵdary retinde tanylǵan. Halyqtyń dástúrli qundylyqtarmen, tarıhı tájirıbesimen ádilettilik, jaýapkershilik jáne qoǵamdyq birlik týraly túsiniktermen tyǵyz baılanysty qaǵıdalar kórinis tapqan», dedi ol.
Konstıtýsııalyq reforma: Jańa onynshy bólimde ne jazylǵan?
Usynylǵan jańartýlardyń aýqymyn eskere otyryp, komıssııa músheleriniń kópshiligi qujatty endi tek túzetýler paketi retinde qarastyrýǵa bolmaıdy dep sanaıdy. Qazaqstan Prezıdenti bul ustanymdy qoldap, búkilhalyqtyq talqylaý úshin jobany jarııalaýdy jaqtady.
«Jańa Konstıtýsııa jobasynyń mátini «Egemen Qazaqstan» jáne «Kazahstanskaıa pravda» basylymdarynda, sondaı-aq Konstıtýsııalyq Sottyń resmı saıtynda jarııalanady», dedi Elvıra Azımova.