Fransııada ónerkásiptik óndiris quldyraı túsýde

Fransýz ekonomıkasyndaǵy ónerkásiptik sektordyń iskerlik belsendiliginiń ındeksi óz tómendeýin barǵan saıyn kúsheıtip keledi. Markit saraptamalyq kompa­nııasynyń málimetteri boıynsha, Fransııa ónerkásiptik sektoryndaǵy RMI ındeksi sáýir aıynda 48 pýnkttik deńgeıge deıin tómendedi. Al naýryz aıynda bul kórsetkish 48,8 pýnkttik deńgeıde bolatyn. Demek, quldyraý kórsetkishi barǵan saıyn tereń sıpat alyp keledi. Sarapshylardyń pikirine qaraǵanda, RMI ındeksi 50 pýnkttik deńgeıden tómendegen tusta saladaǵy belsendilik barynsha azaıatyn bolady. Osy jóninde ázirlengen baıan­damada atap kórsetilgenindeı, Fransııa ekonomıkasyndaǵy ónerkásiptik óndiris kólemi tómendeýi osymen 11 aı boıy jalǵasý ústinde. Sonyń ishinde sáýir aıynda quldyraý deńgeıi barynsha kúsheıe túskendigi anyqtalyp otyr. О́nerkásiptik sektordaǵy jańa tapsyrystar kórsetkishi 47,8 belgisinen 46 pýnktke deıin tómendegen. Al eksportqa jańa tapsyrystar deńgeıi 48,5 belgisine 47,6 pýnktik kórsetkishke deıin quldyraǵan. Markit saraptamalyq kompa­nııasynyń aǵa ekonomısi Djek Kennedı osy oqıǵaǵa baılanysty túsinikteme jasady. Ol óz túsiniktemesinde sońǵy jolǵy statıstıkalyq derekterdi negizge aldy. «Fransııanyń ónerkásiptik sektory óziniń aınalym deńgeıin barǵan saıyn joǵalta túsýde. Biz jańa tapsyrystardyń neǵurlym tómendeýi ekpininde óndiristiń kúrt qysqarǵandyǵyn baıqap otyrmyz. Mundaı kúrdeli de keri aǵym shyǵystardy azaıtý jáne eýro baǵamyn odan ári tómendetý sharalaryna qaramastan, jalǵasyp qana qoımaı, odan ári kúsheıe túsýde. Atalǵan sharalar ónerkásipshilerdiń jaǵdaıyn jaqsartý baǵytynda qolǵa alynǵan edi. Biraq qazirgi kúni ol sharalardyń jaǵdaıǵa yqpal ete almaı kele jatqandyǵyn kórip otyrmyz», degen óz túsiniktemesinde Djek Kennedı.